Reja: Nosiruddin Rabg’uziy- turkiy adabiyot tarixida alohida mavqe qozongan

---

5-mavzu:”Nosiruddin Rabg’uziy.”Qissasi Rabg’uziy” asari” 
 
Reja: 
1.Nosiruddin Rabg’uziy- turkiy adabiyot tarixida alohida mavqe qozongan 
aadib. 
2. To’qbo’gabekka bag’ishlangan she’riy madhiya tahlili. 
3. “Qissasi Rabg’uziy” asarining yaratilish va o’rganilish tarixi. 
4. Asarning mavzusi,g’oyasi,vazni haqida . 
5. Qissalar asosini tarixiy- ilhoiy voqealar tashkil etishi haqida. 
6. “Kun hamalga kirdi ersa…” g’azalining xususiy tahlili. 
7. Adib merosining badiiy qimmati. 
 
 
Tayanch tushunchalar: 
Rabg’uziy, qissa, hikoyat,Nuh, Yusuf, Dovud, Namrud, Muhammad Mustafo 
alayhis-salom Odam, mubolag’a, ertak, latifa, ta’rif- tavsif usuli, g’azal, aruz, ramal 
bahri, hijo, rukn. 
Lug’at: 
Qamug’- barcha, izi izza va jalla – qudratli va ulug’ Alloh, uvuch –hovuch, ont 
berdi- so’radi, o’tindi; ont og’irlab- so’ragani uchun, Mavlo taolo- yaratguvchi 
egam,yorliq- farmon, tanlig’lar- tirik mavjudot,qazg’u- qayg’u, adiz – baland, o’ga- 
maqtov, azoq- oyoq, ulviy- oliy, sifliy- past, netak- qanday, Izi- Alloh. 

---

Rabg‘uziy turkiy yozma adabiyot tarixida alohida mavqe qozongan adibdir. 
Uning asl ismi Nosiruddin bo‘lib, Xorazmning Raboti O‘g‘uz degan joyida 
tug‘ilgan. Adib «Qissasi Rabg‘uziy» (hijriy 710, milodiy 1309—1310-yillar) 
asarining muqaddimasida otasi Burhoniddinning O‘g‘uz Rabotining qozisi 
bo‘lganligini aytib o‘tadi. Asardagi: «... bu kitobni tuzgan, toat yo‘lida tizgan, 
ma’siyat (shariatga xilof tarzda ish tutish, gunoh) yobonin kezgan, oz ozuqlug‘, 
ko‘p yozuq- lug‘ Rabot o‘g‘uzining qozisi Burhon o‘g‘li Nosiruddin...»,
deyilgan qaydlar buning dalilidir. 
Asar Nosiruddin To‘qbo‘g‘aning topshirig‘i asosida yozilgan. Muallif uni «... 
yigitlar arig‘i (poki), ulug‘ otlig‘, qutlug‘ zotlig‘, ezgu xulqlig‘, islom yorig‘liq, 
mo‘g‘ul sanilig‘, musulmon dinlig‘, odamiylar inonchi, mo‘minlar quvonchi, 
himmati adiz (yuksak), aqli tengiz beg» deb ta’riflaydi. 
Nosiruddin To‘qbo‘g‘abekka bag‘ishlangan she’riy madhiyada uning «ortug‘ 
yaroqlig‘ siyrati», «arslon mengizlik sav- lati», «ko‘rklug sifatlig‘ surati», «tuz 
so‘zlayur so‘zni uqa» singari sifatlari keltiriladi. 
Rabg‘uziy yirik shoir va adib bo‘lishiga qaramasdan, uning boshqa asarlari haqida 
ma’lumotlar mavjud emas.