Режа: «Молиявий ҳисоботлар аудитини режалаштириш» Молиявий ҳисоботлар аудитини режалаштириш

Ҳужжатлар
Стандартни қўллашга доир қўлланма ва шарҳловчи материал
Аудит умумий стратегиясини ҳужжатлаштириш аудитни тегишли равишда режалаштириш ва муҳим масалалар тўғрисида келишув жамоасини хабардор қилиш учун зарур бўлган аҳамиятли қарорларни қайд этишни ўзида ифодалайди. Масалан, аудитор аудит умумий стратегиясининг қисқача тавсифини ўтказиладиган аудитнинг умумий кўлами, муддатлари ва ўтказилиши хусусидаги энг муҳим қарорларни ўз ичига олган меморандум кўринишида тайёрлаши мумкин.
Дастлабки аудит келишувларига хос бўлган қўшимча жиҳатлар
Аудитни режалаштириш мақсади дастлабки аудит учун ҳам, такрорланувчи аудит учун ҳам бирдир. Аммо дастлабки аудитда аудитор режалаштириш ишлари ҳажмини кўпайтириши талаб этилиши мумкин, чунки аудитор одатда такрорланувчи келишувни режалаштиришда кўриб чиқиладиган тадбиркорлик субъектига нисбатан ўтмиш тажрибасига эга бўлмайди.
Стандартни қўллашга доир қўлланма ва шарҳловчи материал
Дастлабки аудит учун аудитор аудит умумий стратегияси ва аудит режасини ишлаб чиқишда қўшимча масалаларни, шу жумладан қуйидагиларни кўриб чиқиши мумкин:
Агар бу қонун ҳужжатлари ёки меъёрий ҳужжатлар билан тақиқланган бўлмаса, олдинги аудитор билан ўзаро алоқа қилиш, масалан, олдинги аудиторнинг иш ҳужжатларини кўриб чиқиш.
Аудиторлар сифатида биринчи марта тайинланиш муносабати билан тадбиркорлик субъекти раҳбарияти билан муҳокама қилинадиган барча асосий масалалар (шу жумладан бухгалтерия ҳисоби принципларини ёки аудит ва молиявий ҳисоботлар стандартларини қўллаш масалалари), бошқарув юклатилган шахсларни бундай масалалар ҳақида хабардор қилиш, шунингдек бу масалаларнинг аудит умумий стратегияси ва аудит режасига таъсири.
Бошланғич қолдиқлар хусусида етарлича тегишли аудиторлик далилларини олиш учун зарур бўлган аудиторлик тартиб-таомиллари.
Аудиторлик ташкилоти (фирма)нинг сифатни назорат қилиш тизимида дастлабки аудит келишувларига нисбатан назарда тутилган бошқа тартиб-таомиллар (масалан, аудиторлик ташкилотида (фирмада) сифатни назорат қилиш тизими аудит умумий стратегиясини аҳамиятли аудиторлик тартиб-таомилларини бажаришга киришилгунга қадар кўриб чиқиш учун ёки ҳисоботлар (хулосалар)ни улар чиқарилгунга қадар кўриб чиқиш учун бошқа келишув партнёри ёки катта ходимнинг иштирокини назарда тутиши мумкин).