Режа Мажбурий суғуртани ажратиб турувчи тамойиллари 2

5. Мажбурий суғуртанинг муддатсизлиги. Мажбурий суғурта
суғурталанган объект мавжуд бўлган даврнинг тўла қисмида амал қилади.
6. Мажбурий суғурта бўйича суғурта таъминотининг
меъёрлаштирилиши. Суғуртавий баҳолаш ва суғуртавий қоплаш тартибини
соддалаштириш мақсадида суғурта баҳосига нисбатан фоизларда ёки бир
объектга сўмларда суғурта таъминотининг меъёрлари белгиланади.
2.Суғуртанинг ихтиёрий шакли қуйидаги тамойиллар асосида қурилган:
1. Ихтиёрий суғурта қонунчилик асосида ва ихтиёрий равишда
амал қилади. Қонунчилик ихтиёрий суғуртага тегишли объектларни ва
суғуртанинг умумий шартларини белгилаб беради. Конкрет шартлар эса,
суғурталовчилар томонидан ишлаб чиқиладиган суғурта қоидалари орқали
тартибга солинади.
2. Суғуртада ихтиёрий қатнашиш тўла ҳолда фақат
суғурталанувчилар учун характерлидир. Агар суғурталанувчининг
хоҳиши суғурта қоидаларига зид келмаса, суғурталовчи объектни суғурта
қилишдан бош тортиш ҳуқуқига эга эмас. Бу тамойил суғурталанувчининг
биринчи талаби бўйича суғурта шартномаси тузилишини кафолатлайди.
3. Ихтиёрий суғуртани танлаб қамраб олиши. Барча шахслар ҳам
унда иштирок этиш истагини билдиравермайдилар. Бундан ташқари,
шартномалар тузишда суғурта шартлари бўйича чегаралашлар ҳам амал
қилади.
4. Ихтиёрий суғурта доимо суғурта муддати билан чегараланади.
Бунда муддатнинг бошланиши ва тугаши шартномада қатъий келишиб
олинади. Шундан келиб чиқиб, суғурта қопламаси ёки суғурта суммаси
суғурта ҳолати фақатгина суғурта даврида содир бўлгандагина тўланади.
Ихтиёрий суғуртанинг узлуксизлигини фақатгина янги муддатга қайта
шартнома тузиш йўли билангина таъминлаш мумкин.