Режа Мажбурий суғуртани ажратиб турувчи тамойиллари 2

Мажбурий ва ихтиёрий суғурта тамойиллари
Режа
1. Мажбурий суғуртани ажратиб турувчи тамойиллари
2.Суғуртанинг ихтиёрий шакли қуйидаги тамойиллари
1.Мажбурий суғуртани ажратиб турувчи тамойиллар қуйидагилар.
1. Мажбурий суғурта қонун йўли билан ўрнатилади. Шунга мос
равишда суғурта қилдирувчи тегишли объектларни суғурталашга,
суғурталовчилар эса, суғурта ҳодисалари рўй берганда тегишли суғурта
тўловларини тўлашга мажбурдирлар.
Қонунчилик одатда қуйидагиларни белгилаб беради:
- мажбурий суғурталаниши лозим бўлган объектлар таркибини;
- суғурта жавобгарлиги ҳажмини;
- суғурта таъминоти даражаси ва меъёрларини;
- тариф ставкалари миқдорлари ва уларни ўрнатиш тартибини;
- суғурталовчи ва суғурталанувчиларнинг асосий ҳуқуқ ва
мажбуриятларини.
2. Қонунда кўрсатилган мажбурий суғурта объектларини ёппасига
суғуртага қамраб олиш. Бунинг учун суғурта органлари мамлакатда ҳар
йили суғурталанган объектларни, ҳисобланган суғурта бадалларини ва
уларни ўрнатилган муддатларда ундирилишини ҳисобга олиб борадилар.
3. Қонунда кўрсатилган объектларга мажбурий суғуртанинг
автоматик равишда қўлланилиши. Суғурталанувчи янги объект пайдо
бўлганлиги ҳақида суғурта органларига хабар бериши шарт эмас. Бу объект
суғурта соҳасига автоматик равишда қўшилади. Навбатдаги рўйхатга олиш
даврида ҳисобга олинади ва суғурталанувчига тўланиши керак бўлган
суғурта бадаллари кўрсатилади.
4. Мажбурий суғуртани суғурта бадаллари тўланишидан қатъий
назар амал қилиши. Агарда суғурта қилдирувчи тегишли суғурта
бадалларини тўламаган ҳолларда, бадаллар суд орқали ундириб олиниши
мумкин. Суғурта бадаллари тўланмаган объектга нисбатан суғурта
жавобгарлиги амал қилаверади, фақатгина суғурта бадаллари бўйича қарз ва
кечиктирилган кунлар учун жарима суммаси ушлаб қолинади.