Reja konspekt mavzu: O‘zbekiston respublikasi qurolli kuchlarining tashkil etilishi. Qurolli kuchlarga rahbarlik. Harbiy okruglar

O’zbekiston Respublikasi Toshkent shahar Shayxontohur tumani 59- SONLI IUM ning 10-sinf o’quvchilari bilan «Chaqiruvga qadar boshlang’ich tayyorgarlik » fanidan mashg’ulot o’tkazish REJA KONSPEKT

Mavzu: O‘ZBEKISTON RESPUBLIKASI QUROLLI KUCHLARINING TASHKIL ETILISHI. QUROLLI KUCHLARGA RAHBARLIK. HARBIY OKRUGLAR



O‘ZBEKISTON RESPUBLIKASI QUROLLI KUCHLARINING TASHKIL ETILISHI. QUROLLI KUCHLARGA RAHBARLIK. HARBIY OKRUGLAR

1995-yil 30-avgustda O‘zbekiston Respublikasi Oliy Majlisi tomonidan qabul qilingan Harbiy doktrina hujjatida davlatimizning harbiy siyosati asosida harbiy faoliyat hamda qurilishining yo‘nalishi va tamoyillarini belgilaydi. U davlat tashkilotlari harbiy kadrlar uchun majburiy hisoblangan harbiy nazariya va amaliyotning asosiy, rasman qabul qilingan qarashlari va qoidalarini aks ettirdi, hozirgi strategik vazifalarni, harbiy qurilish tamoyillarini va Qurolli Kuchlarni qo‘llash shartlari, Qurolli Kuchlar, xalq hamda mamlakatni mudofaaga tayyorlash masalalarini ilmiy jihatdan asoslab berdi.

O‘zbekiston Respublikasi mintaqasidagi harbiy-siyosiy vaziyatdan, Qurolli Kuchlarda amalga oshirilayotgan islohotlardan hamda mamlakatimiz ichki va tashqi siyosatidan kelib chiqqan holda 2000-yilda davlatimizda mudofaa doktrinasi ishlab chiqildi. Mudofaa doktrinasi milliy xavfsizlik umumdavlat konsepsiyasining tarkibiy qismi bo‘lib, tashqi siyo sat, davlatlararo munosabatlar masalalariga, urush va tinchlik muammolariga mutlaqo yangicha yondashuvlarga asoslanadi.