Reja: Kirish Risk tushunchasi va uning kelib chiqishi Risklar uchun tahlil va natijalar Korxonalarda Riskni kelib chiqishi Xulosa Foydalnilgan adabiyotlar Kirish

Tahlil va natijalar
Yuqorida keltirilgan ilmiy va amaliy adabiyotlar tahlili asosida risklarni baholashning dastlabki jarayonida risk holati modelini yaratish va uning elementlarini aniqlash muhim ahamiyat kasb etadi. Riskli vaziyatda uchta asosiy tarkibiy qismni ajratish mumkin: riskning paydo boʼlishiga taʼsir qiluvchi omillar, alohida guruhlar va risk turlari, risk oqibatlari.
Ishlab chiqilgan metodologiya korxona xodimlarining risklarni boshqarish jarayonini tashkil etishdagi xatti-harakatlarining algoritmidir, bu risklarning mohiyati, risklarni boshqarish tizimining korxonani boshqaruvi tizimidagi oʼrni, risklarni boshqarish uchun mavjud vositalar toʼplami va risklarni boshqarish jarayonida qishloq xoʼjaligining oʼziga xos xususiyatlarini tushunishga asoslangandir.
Korxonalar faoliyatidagi risklarni kompleks boshqarish boʼyicha taklif etilayotgan algoritm olti bosqichdan iborat:
1. Maqsad va vazifalarni aniqlash.
2. Risklarni aniqlash (identifikatsiyalash).
3. Risklarni baholash.
4. Risklarga taʼsir oʼtkazish.
5. Nazorat va natijalarni monitoring qilish.
6. Korxonaning risk siyosatini ishlab chiqish va tuzatishlar kiritish.
Risklarni boshqarish tizimini yaratishning birinchi bosqichi quyidagi savollarga javob berishi kerak:
1) Nima uchun korxona risklarni boshqarish tizimini yaratadi, bundan koʼzlangan asosiy maqsad nima, bu qanday qiymat omillariga taʼsir qiladi?
2) Risklarni boshqarishning qaysi tizimini tanlash kerak – markazlashtirilgan yoki markazlashtirilmagan, kompleks yoki yaxlit tanlanganinimi?
3) Tizimni yaratishga qancha mablagʼ sarflashga tayyormiz?
4) Korxonada bu tizimdan kimlar foydalanadi?
Birinchi bosqichni samarali amalga oshirish quyidagilarga imkon beradi:
• Tizimning yakuniy mahsulotiga talablarni aniq ifodalashga;
• tizimni yaratish va ishning eng muhim yoʼnalishlariga eʼtibor qaratish uchun mablagʼlarni tejashga;
• eng muhim nuqtalarga va toʼgʼri maqsadli yoʼnalishga taʼsir koʼrsatgan holda samarali va tez natijalarga erishishga.