Reja: Kirish Nazariy qism

Quritgichlarni hisoblash


Bu qurilmalar atmosfera bosimda uzluksiz ravishda turli sochiluvchan va donasimon materiallarni tutunli gazlar yoki issiqhavo bilan quritish uchun ishlatiladi. Ular stilindrsimon korpusdan iborat bo’lib, gorizontga nisbatan juda kichik og`ish burchagida joylashtiriladi. Baraban ikkita rolikli tayanchlarga joylashtirilgan bo’lib, elektr yuritkich va reduktor yordamida aylantiriladi. Aylanish soni 5-8 ayl/min. Baraban ichida nasadkalar o’rnatilgan bo’lib, ular fazalararo ta’sir yuzasini oshirish uchun qo’llaniladi. Nasadkalar barabanning ko’ndalang kesimi bo’yicha materialni bir me’yorda tarqatish va aralashtirishni ta’minlaydi. Material va issiqlik eltkich bir-biriga nisbatan to’g`ri yo’nalishda berilsa, barabanning ichida material o’ta qizib ketmaydi, chunki bu sharoitda yuqori temperaturali issiqlik eltkich katta namlikka ega bo’lgan material bilan o’zaro ta’sirda bo’ladi. Barabanli quritgichlar uzunligi L va tashqi diametri D bo’yicha tanlanadi.
Nam material bunker 1 dan ta’minlagich 2 orqali aylanib turgan baraban 3 ga beriladi. Material bilan bir xil yo’nalishda barabanga issiqlik eltkich beriladi. U yoqilg`i o’txonasi 4 da yonishida hosil bo’lgan gazlarni aralashtirish kamerasi 5 da havo bilan aralashtirish natijasida hosil bo’ladi. Havo o’txona va aralashtirish kamerasiga ventilyatorlar 6 va 7 yordamida beriladi (5.121- rasm).
Quritilgan material barabanning boshqa tomonidan bunker 8 ga tushadi va undan transporter 9 ga o’tadi.
Ishlatilgan gazlar atmosferaga chiqarib yuborishdan avval mayda zarrachalardan stiklon 10 da tozalanadi va kerak bo’lsa yana qo’shimcha tozalaniladi.
Qurituvchi eltkich baraban orqali ventilyator 11 yordamida uzatiladi. Uzatilish davrida uncha katta bo’lmagan siyraklanish hosil bo’ladi va bu esa qurituvchi agentning barabanli quritgich teshiklari orqali yuqotilishiga yo’l qo’ymaydi.
Baraban elektr yuritkich va tishli uzatma 2 yordamida aylantirib turiladi.

Barabanning ichida materialni bir me’yorda tarqatish, aralashtirish va yo’naltirish uchun nasadka joylashtirilgan. Quritilayotgan material donalarining o’lchamiga va xossalariga qarab, xar-xil nasadkalardan foydalaniladi. Katta bo’lakli va yopishib qolish xususiyatiga ega bo’lgan materiallarni quritishda ko’taruvchi parrakli nasadkalar, yomon sochiluvchan va katta zichlikka ega bo’lgan katta bo’lakli materiallarni quritish uchun sektorli nasadka; kichik bo’lakli, tez sochiluvchan materiallarni quritishda tarqatuvchi nasadka ishlatiladi; mayda qilib ezilgan, chang hosil qiluvchi kukun materiallarni berk yacheykali, dovonsimon nasadkalar bo’lgan barabanlarda quritish maqsadga muvofiqdir. Ayrim sharoitlarda murakkab nasadkalardan foydalansa ham bo’ladi.