Reja: kirish I. Bob. O‘rta Osiyo xonliklarining Rossiya imperiyasi tomonidan bosib olinishi

REJA:


KIRISH

I.BOB.O‘rta Osiyo xonliklarining Rossiya imperiyasi tomonidan bosib olinishi
1.1.Mavzu tarixshunosligi……………………………………………..
1.2.O‘rta Osiyo masalasida Rossiya va Angliyaning
o‘zaro raqobati…………………………………………………………….
1.3.Rossiya imperiyasining Turkiston o‘lkasini bosib olishining siyosiy va iqtisodiy sabablari………………………………………………
II.BOB.Rossiya imperiyasining Turkistondagi mustamlaka ma’muriy boshqaruv tizimi va mustamlakachilik siyosati
2.1.Turkiston general-gubernatorligining tashkil etilishi.
Boshqaruv tizimi……………………………………………………….
2.2.Hokimiyat, politsiya organlari faoliyati va sud hokimiyatining vakolatlari ………………………………………………………………….
2.3.XIX asrning oxirlarida o‘lkada milliy va mustamlaka zulmning kuchayishi …………………………………………………………………
Xulosa………………………………………………………………………
Foydalanilgan adabiyotlar…………………………………………………

Kirish
Mavzuning dolzarbligi: Mustaqillik O‘zbekiston tarixining yangi davrini boshlab berdi. Vatanimiz suveren davlat sifatida jahon hamjamiyatidan joy egalladi. Mustaqil taraqqiyotning 28 yilligi mobaynida vatanimizda amalga oshirilgan ishlar ko‘lami asrlarga tatigulik bo‘ldi. Davlat boshqaruvi, iqtisodiyot va ma’naviyat sohalarida katta islohotlar amalga oshirildi. Ayniqsa, ta’lim sohasida qo‘lga kiritilgan yutuqlarni alohida ta’kidlash lozim. Barkamol avlodni shakllantirishga yo‘naltirilgan Milliy dastur o‘z mevasini bermoqda. Bugun dunyoda kechayotgan mafkuraviy qaramaqarshiliklar ta’siridan yoshlarni himoyalash uchun ularda tarixiy tafakkurni shakllantirish zarur.
Ushbu o‘quv-uslubiy majmuada “O‘zbekiston tarixi”ning XIX asrning ikkinchi yarmi – XX boshlaridagi siyosiy va ijtimoiy iqtisodiy hayoti tarixini aks etgan. Xususan, XIX – asrning o‘rtalari – XX asr boshlarida Rossiya imperiyasining Turkistonni mustamlaka o‘lkaga aylantirishi O‘rta Osiyoda mavjud mustaqil o‘zbek xonliklari davlatchiligi tizimlar chek qo‘yilishiga, xonliklar imperiya vassallariga aylantirilishiga olib keldi. Tabiiyki, o‘lkani boshqarish va undan siyosiy va iqtisodiy foyda olishning birdan – bir yo‘li umuman Rossiyaning o‘z tuzilishi va yanada aniqrog‘i, metropoliya tomonidan imperiyaning boshqa milliy mintaqalarida o‘z ifodasini topgan boshqaruv usuli bo‘lib, u mustabid hokimiyat manfaatlarini ma’lum ravishda mustahkamlab turdi. O‘lkada o‘rnatilgan mustamlakachilikka asoslangan boshqaruv tizimi oqibatida mehnatkash aholi ikki tomonlama-mahalliy va mustamlakachi hukmdorlar jabr-zulmi girdobiga tortildi. Bunga qarshi o‘lka xalqlarning keng qamrovli ozodlik, istiqlolga erishish uchun harakatlari avj oldi.
Shuningdek, “Kadrlar tayyorlash milliy dasturi”da ko‘rsatib o‘tilgan talaba-yoshlarning tarixiy dunyoqarashini boyitish, ularda mustaqil fikrni qaror toptirish, tarixni mukammal darajada bilish, insoniyat yutuqlaridan va tajribasidan to‘la bahramand bo‘lish, umuminsoniy qadriyatlarni anglab yetishga ko‘maklashish va dunyo miqyosida bo‘lgan muammolarning tarixiy izdizlarini izlab topish kabi dolzarb masalalarni o‘rganadi.
“O‘zbekiston tarixi” fani bo‘yicha o‘quv-uslubiy majmua tuzilish jihatidan yettita qismdan iborat bo‘lib, ular o‘quv materiallari (mavzular bo‘yicha ma’ruza matni va seminar mashg‘uloti rejalari), adabiyotlar ro‘yxati, mustaqil ta’lim mavzulari, glossariy, ilova (o‘quv va ishchi o‘quv dastur, test savollari) tarqatma materiallar, va baholash mezonlaridan tashkil topgan. Ma’ruza va amaliy mashg‘ulotlar materiallari semestrlarga ajratilgan holda berilgan.Ishlab chiqilgan mazkur o‘quv uslubiy majmua uzluksiz ta’lim tizimidagi barcha o‘quv muassasalarida “O‘zbekiston tarixi” fani o‘qituvchilari tomonidan qo‘llanilishi mumkin.
Shuningdek, ushbu o‘quv uslubiy majmuani tayyorlashda keng foydalanilgan O‘zMU “O‘zbekiston tarixi” kafedrasida nashr etilgan O‘zbekiston tarixi darsligi 2-jildi mualliflari jamoasiga o‘z minnadorchiligimizni bildiramiz.