|
Режа:
Кириш
боб. Мактабларда қўл тўпи ўйинини ўргатиш хусусиятлари.
Қўл тўпи ўйинининг умумий қоидалари.
боб. Мактабларда қўл тўпи ўйинида ҳаракатланиш тактикаси.
2.1. Мактабларда қўл тўпи ўйинининг ҳужум ва ҳимоя техникаси
2.2. Ўйин техникасини ривожлантириш
Хулоса
Фойдаланилган адабиётлар рўйхати
КИРИШ
Республикамизда охирги йилларда жисмоний тарбия ва спортни оммалаштириш, аҳоли, айниқса, ёшлар ўртасида соғлом турмуш тарзини тарғиб қилиш, имкониятлари чекланган шахсларнинг жисмоний реабилитацияси учун зарур шарт-шароитлар яратиш ҳамда мамлакатнинг халқаро спорт майдонларида муносиб иштирок этишини таъминлаш борасида изчил чора-тадбирлар амалга оширилмоқда. Шу билан бирга, жисмоний тарбия ва спорт соҳасида аҳоли соғлиғини мустаҳкамлашга кўмаклашадиган аниқ дастурларни амалиётга жорий этиш, ёшларни спортга кенг жалб қилиш ва улар орасидан иқтидорли спортчиларни саралаб олиш, спорт турлари бўйича юқори натижаларни таъминлайдиган маҳоратли спортчилар билан миллий терма жамоаларни шакллантириш ва тренерлар учун қўшимча шарт-шароитлар яратиш зарурати мавжуд.
Мамлакатимизда юксак маданиятга эга бўлган ҳар томонлама етук ҳамда жисмонан соғлом инсонни шакллантириш мақсадида, аҳолининг жисмоний тарбия ва спорт соҳасида малака ва билимларини орттиришга қаратилган устувор йўналишларни белгилаш, иқтидорли спортчиларни танлаб олиш (селекция) жараёнига инновацион шакллар ва усулларни жорий этиш мақсадида:бир неча тадбирлар амалга оширилмоқда.
Давлатнинг жисмоний тарбия ва спорт соҳасидаги асосий мақсади – миллатни соғломлаштиришда мавжуд имкониятлардан самарали фойдаланиш, ёшларни тарбиялаш, аҳоли ўртасида соғлом турмуш тарзини қарор топтириш ва мамлакат спортчиларининг халқаро мусобақалардаги самарали иштирокини таъминлашдан иборатдир.
Мактабда хафтасига 2 соат ўтказиладиган жисмоний тарбия дарси бола организмига тўлақонли юклама бериш учун етарли эмаслигини ҳамда илмий тадқиқотларга асосан ўқувчиларнинг кундалик ҳаракатига бўлган физиологик эхтиёжини 45 дақиқалик жисмоний тарбия дарси фақатгина 11% қондира олишини, натижада бола организмининг биологик талаби қониқмаслигини инобатга олиб, ўқув дастурини ҳозирги замон талаблари асосида илмий маълумотлар, илғор мактаб ўқитувчиларининг иш тажрибаларига таянган холда дастур қайта ишлаб чиқилмоқда. Умумтаълим мактаблари режасининг мақсади – қўл тўпи спорт тури бўйича шуғулланувчиларга жисмоний тарбия тизимида гандболнинг ўрни ва замонавий билимларнинг аҳамияти ҳақида билим бериш, улардаги зарур бўлган ҳаракат-кўникма малакаларни шакллантиришдир. Биринчи босқич – умумтаълим мактабларининг тиббий кўрикдан ўтган ўқувчиларини, жисмоний-соғломлаштириш ва тарбиявий ишлар, ҳар тарафлама жисмоний тайёргарлик ва гандбол техникасининг асосий усулларини ўргатишга қаратилган бўлади. Иккинчи босқич – даслабки тайёргарлик, умумтаълим мактабларида, спорт билан шуғулланмоқчи бўлган тиббий назоратдан ёзма равишда руҳсати бўлган болалар учун бўлиб, бу босқичда жисмоний- соғломлаштириш тарбиявий ишлар ҳар томонлама жисмоний тайёргарлик, спорт мутахассисликни танлаш ва ўқув машғулотларга қабул қилиш учун назорат меъёрларини бажарадилар. Учинчи босқич – ўқув-машғулот босқичи. Бир йил давомида зарур тайёргарликдан танлов асосида соғлом ўсмир ва қизлардан ўқувчилар жамоаси ташкил этилади. Йил давомида шуғулланувчилар умум жисмоний тайёргарлик ва махсус тайёргарликдан ўтиш синовларини бажарган ўқувчилар учун спорт разрядини бажарганидан сўнг улар учун спорт такомиллаштириш гуруҳлари шакллантирилади. Гандболчиларни дастлабки тайёрлов босқичидан то юқори малакали гандболчигача тайёрлашнинг ўзига хос тизими мавжуд бўлиб, аниқ мақсадга
эришиш қуйидагилардан иборат: такомиллаштириш гуруҳига танлаб олинган ёш гандболчиларнинг даслабки ҳолатининиг оптимал натижаларига; мураббийнинг малакавий тайёргарлик даражасига; техник-база ҳолати; бутун педагогик жараённи ташкил қилиш сифатига; босқичма-босқич спорт тайёргарлигининг асосий вазифалари қуйидагилардан иборат; спорт билан шуғулланишга болалар ва ўсмирларни мунтазам равишда жалб этиш; ҳар томонлама жисмоний ривожланиш ва соғликни мустаҳкамлашни таъминлаш;
- руҳий ва иродавий мустаҳкам инсонни тарбиялаш; юқори малакали спортчиларни тайёрлаб, Ўзбекистон терма жамоаси учун резерв тайёрлаш.
Ўқув-машғулотларда ва режалаштириш ҳужжатларида тайёргарлик турлари (назарий, жисмоний, техник, тактик, уйин психологик) бўлимлардан иборат бўлиб, тайёргарлик воситаси ва шакли машқлар ва назорат меъёрлари (тикланиш ва тарбиявий тадбирлар тўла ёритилган бўлиши керак). Умумий жисмоний тайѐргарлик гандболчиларга зарур бўлган тайѐргарлик бўлиб у
махсус жисмоний тайѐргарликни тарбиялаш учун асосий замин бўлиб шу билан бир қаторда гандбол ўйини техникаси ва тактикасини эгаллашда шуғулланувчи учун жисмоний қулайлик туғдиради.
I БОБ. МАКТАБЛАРДА ҚЎЛ ТЎПИ ЎЙИНИНИ ЎРГАТИШ УСЛУБИЁТИ.
Do'stlaringiz bilan baham: |
