Reja: Kirish. 1-sinfda maqollardan foydalanish. Imom Al-Buxoriy hadislari haqida. 2-sinfda “Ko’ngilchan o’tinchi” ertagini o’tishda hadislardan foydalanish. Payg’ambarimiz Muhammad alayhi vassallam hadislari. Xulosa. Kirish

Toki siz bor, yaxshilik muslimlara sulton bo’lur.

Ketsangiz gar bu jahondan yaxshilik shul on o’lur

“G’iybat harom ekanligini bilganimdan keyin men sira birovni g’iybat qilmadim”.

“Men mol-dunyoni zikr qilguvchi birorta ham gapni aytmoqni istamadim, men gapimni Alloh taologa hamdu sano aytishdangina boshladim”.

Imom Al-Buxoriy mashaqqatlarga chidamli, ishda tirishqoq bo’lib, o’z qo’llaridan keladigan yumushni birovga yuklashni xushlamas ekanlar.

Sinfdan tashqari o’qish darslarini o’tganda Rivoyatlardan foydalanishimiz mumkin.

Bir kuni Bog’dod shaxri ko’chalarining birida bolalar o’yin bilan mashg’ul edilar. Tasodifan, xalq qoshida obro’ e’tiborga ega bo’lgan bir qari odam otga minib o’sha ko’chadan o’ta boshladi. O’ynab turgan bolalardan biri cholning kelayotganini ko’rib chetroq joyga chiqib turdi. Qari kishi yetib kelgach qo’l qovushtirib salom berdi. Boshqa bolalar esa, cholga e’tibor bermay, o’yinda mashg’ul bo’ldilar. Chol bu bolaning oqilona harakatidan zavqlandi. U bolalarning odobini sinash uchun bolalar yoniga kelib, qo’lidagi uzugini ular o’rtasiga tashladi.

— Bolalar qay biringiz uzukni olib kelsangiz, daftar olish uchun pul beraman, — dedi. Bolalar bir-birlari bilan urushib uzukka yopirildilar. Bir bola chaqqonlik bilan uzukni olib keldi. Chol u bolaning holiga diqqat qilib turardi. U hech nima qilmay turardi. Bu daf-a uzukni uning yoniga tashladi. Bola darhol uzukni yerdan olib artdi, cholga ta’zim qilib, uning qo’liga berdi. Chol u bolaning odob tarbiyasidan zavq-shavqqa to’lib, tahsin-ofarin aytdi. Otdan tushib, bolaning peshonasidan o’pib, uning haqqiga xayr-duo qildi, o’g’lini shunday tarbiyali, odobli qilib o’stirgani uchun uning ota-onasiga rahmatlar aytdi. Hamma bolalarni yig’ib, ularga axloqli, tarbiyali bo’lish haqida pand-nasihat qildi. Keyin yonidan pul chiqarib bolalarga:

— Xayr bolalarim, endi men ketaman, mana bu pulga kitob, daftar, qalam oling, — deb pulni haligi odobli bolaning qo’liga berdi.

Har kishining dunypoda oromi joni – tarbiyat

Baxtu iqbolu saodatning makoni – tarbiyat

Ey otalar, jonlaringizdan aziz farzandingiz

G’ayrat aylang o’tmasin vaqtu zamoni tarbiyat.

Bu rivoyat bolalarni odobli bo’lishga, qari kishilarimizni hurmat, izzat qilishga, ota-onani hurmat qilishga o’rgatadi.

Boshlang’ich sinflarda hikmatli so’zlardan ham foydalanib darslarimizni qiziqarli qilib olib borishimiz mumkin.