Режа: Интернет тармоғи ва унинг аҳамияти. Uz доменидаги бошқарув органлари ва таълим сайтлари. Электрон почта ҳизмати ва ундан фойдаланиш. Интернет

Интернет домен тизими
Интернет домен номлари Интернет манзилларида ишлатилиб, улар мамлакат номларини, ташкилот ва корхоналар фаолиятини англатади

UZ - Uzbekistan  KG - Kyrgyzstan KZ - Kazakhstan RU - Russia UA - Ukraine UK - United Kingdom US United States

COM - Commercial EDU - US Educational GOV - Government INT - International MIL - US Military NET - Network ORG - Non-Profit Organization

UZ доменидаги бошқарув органлари ва таълим сайтлари
ID.UZ
ID.UZ – Миллий интернет тармоғи сегментидаги сайтлар ва ахборот тизимлари учун ягона идентификация ва аутентификация марказидир.
ID.UZ ягона идентификация маркази вазифасини бажариб, қуйидаги лойиҳаларга кириш имкониятини яратади:
my.gov.uz
Lex.uz
Alisher Navoiy nomli Milliy kutubxona
WWW.UZ
Ziyonet.uz
Utube.uz
Fikr.uz
Desk.uz
cctld.uz
Gazeta.uz
OpenID protokolini qo'llab-quvvatlovchi har qanday saytlar
Агар сиз ID.UZ тизимидан бир марта рўйхатдан ўтган бўлсангиз, OpenID технологиясини қўллаб-қувватловчи бошқа сайтлардан рўйхатдан ўтишингиз шарт эмас. ID.UZ тизимидаги ўз логинингизни кўрсатишингизни ўзи кифоя. Бундай имконият қатор афзалликларга эга: кўп паролларни эслаб қолиш, ҳар сафар ўзингиз тўғрингиздаги маълумотларни турли сайтларга критишингиз шарт эмас.
ID.UZ тизимидан рўйхатдан ўтаётган фойдаланувчи ўз шахсий профилини (фотосуръати, шахсий маълумотлари) яратади. Имкони борича барча сўралган маълумотлар тўғри ва тўлиқ тўлдирилса, тизимдаги бошқа фойдаланувчилар сизни осон топади.
ID.UZ тизими фойдаланувчилари 2 та мақомга эга бўлишлари мумкин:
• (номи яширинган) Номаълум фойдаланувчи;
• PassportID мақомига эга фойдаланувчи.
ID.UZ тизими орқали авторизациядан фойдаланувчи ташқи хизматлар, фойдаланувчиларга мақомига қараб турли ҳуқуқлар бериши мумкин.
PassportID мақоми фойдаланувчи ўз паспорт маълумотларини маъмуриятга тақдим этгандан сўнг берилади. Ушбу мақом – фойдаланувчининг идентификациясини талаб қилувчи давлат, коммунал, банк ва бошқа хизматларга кириш имкониятини беради.
Gov.uz
Ўзбекистон Республикаси Ягона интерактив давлат хизматлари портали (кейинги ўринларда Ягона портал деб аталади) Интернет тармоғида Ўзбекистон Республикасининг Ҳукумат портали доирасида, шу жумладан, «бир дарча» тамоилида фаолият кўрсатади.
Ягона портал орқали интерактив давлат хизматлари кўрсатиш Ўзбекистон Республикаси Вазирлар Маҳкамасининг 2017 йил 15 сентябрдаги «Ўзбекистон Республикаси ягона интерактив давлат хизматлари портали орқали электрон давлат хизматлари кўрсатиш тартибини такомиллаштириш чора-тадбирлари тўғрисида» 728-сонли қарорида келтирилган Ўзбекистон Республикаси Ягона интерактив давлат хизматлари портали тўғрисида низомига мувофиқ рўйхатдан ўтиш ва авторизация қилиш жараёнларидан ўтган фойдаланувчилар учун амалга оширилади.