Reja: Harakatga doir masalalarni yechishga o‟rgatish metodikasi bo‟yicha nazariy ma‟lumotlarni tayyorlash

HARAKATGA DOIR MASALALARGA DOIR DARS ISHLANMASI 4-sinf

Mavzu: Tezlik. Vaqt Masofa

Maqsad: a) ta'limiy maqsadi: DTS asosida o'quvchilarda harakatga doir masalalarni ishlash ko'nikmasini shakllantirish masalani turli usullar bilan ishlash malakasini hosil qilish;

b) o'quvchilarda matematikaga qiziqish o'yg'otish, ularni vatanparvarlik, mehnatsevarlik, tabiatni asrash ruhida tarbiyalash.

Dars turi: Yangi bilim beruvchi

Dars jihozi: Ko'rgazmali plokatlar, darslik.

Darsning borishi

a) Tashkiliy qism: O'qituvchi darsga kiradi. O'quvchilar bilan salomlashadi. Xona tozaligi, navbatchi o'quvchini aniqlaydi, davomatni tekshiradi. Sanani aniqlab doskaga yozadi. O'quvchilardan o'tgan mavzuni va uyga vazifani so'rab baholaydi. Sinf ishi daftarini tarqatib, uy ishi daftarini tekshirish uchun yig'ib oladi.

b) yangi mavzu bayoni.

Yangi mavzu: Tezlik. Vaqt. Masofa.

O'qituvchi: Aziz o'quvchilar. Bugun sizlar bilan biz yangi mavzuni o'tamiz. Biz hammamiz vaqtni bilamiz. U haqida ma'lumotga egamiz. Mahbuba, sen vaqt birliklarini sanab ber. Mahbuba: Sekund, minut, soat, sutka, hafta, oy, yil, asr.

O'qituvchi: Juda to'g'ri. Masofa haqida ham bilamiz. Masofa bu- bosib o'tilgan yo'l. Masofani uzunlik birliklari bilan o'lchaymiz. Anvar, sen uzunlik birliklarini sanab ber. Anvar: metr, kilometr, santimetr kabi

O'qituvchi: Juda to'g'ri.

O'qituvchi doskaga velisopedchining rasmi tushirilgan va u bosib o'tayotgan yo’lning tasviri tushirilgan plakatni iladi. Plakatda velisopedchi yura boshlagan va yo'lning oxiriga belgi qo'yilgan. O'qituvchi tezlik bu masofaning vaqtga nisbati ekanligini, o'quvchilarga tushuntirib berish lozim.

Agar har soatda 12 km yurgan bo'lsa, uni velisipedchining 1 soatdagi harakat tezligi deyiladi. Soatiga 12 km bu- velisipedchining tezligi. Qisqartirib qo'yidagicha yoziladi: 12 km/soat. 4 soat-velisipedchining sarflagan vaqti 48 km- velisipedchining bosib o'tgan masofasi. Tezlikning qisqartirib yozilishi km/soat, km/min, km/s, m/min, m/s. O'qituvchi turli xil masalalar orqali o'quvchilarda tezlik tushunchasini shakllantiradi. Yangi mavzuni mustahkamlash uchun didaktik o'yin o'tkaziladi. Sinfni uch jamoaga bo'lib olinadi. Jamoalarning har bir ishtirokchisiga oldindan tayyorlangan savollardan bittadan beriladi. O'ylash uchun 2 soniya muhlat. Har bir to'g'ri javobga1 balldan beriladi. Qaysi jamoada ko'p ball to'plansa, shu jamoa g'olib hisoblanadi va o'quvchilar baholanadi.

UYGA VAZIFA BERISH.

Darslikdagi 6-7 misol va masalalarni ishlab kelish, mustaqil tarzda harakatga doir masala tuzib, ishlab kelish.

DARS YAKUNI.

O'quvchilar o'qituvchidan tushunmaganlarini so'raydi. Dars tugagach, o'qituvchi chiqib ketadi