Reja elektr toki, uning tabiati va ta’siri. Tok zichligi. Ketma-ket va parallel ulash. Elektr yurutuvchi kuch (eyuk). Berk zanjir uchun Om qonuni. Vakuumda elektr toki. Elektron nur trubka. Kirish

REJA

1. 
   Elektr toki, uning tabiati va ta’siri.
   
2. 
   Tok zichligi.
   
3. 
   Ketma-ket va parallel ulash. Elektr yurutuvchi kuch (EYUK).
   
4. 
   Berk zanjir uchun Om qonuni.
   
5. 
   Vakuumda elektr toki. Elektron nur trubka.
   

Kirish

Barkamol avlodga ta'lim va tarbiya berishning integrativ vazifalarini hal etish o'qituvchining shaxsiy kompetensiyasiga, kasb mahoratiga, iste'dodi va madaniyatiga, hozirgi zamon pedagogik texnologiyalarni qo'llash, o'quvchilarni o'zaro faollikka olib kelishiga bog'liqdir.

Har bir pedagog shuni doimo esda tutishi kerakki, sinfdan tashqari dars o'quv-tarbiya jarayonining asosiy shaklidir.Ta'lim-tarbiyaning barcha jarayonlari har tomonlama rivojlangan shaxsni tarbiyalash, birinchi navbatda dars jarayonida amalga oshiriladi. Shuning uchun ham hozirgi sharoitda darsning tarbiyaviy ahamiyatini oshirish maktab va o'qituvchilar oldiga birinchi darajali vazifa qilib qo'yilmoqda.

O'quvchilarni vatanparvarlik va baynalminallik ruhida tarbiyalash borasida ham fizikadan uyushtirilgan sinfdan tashqari ishlar katta imkoniyatga ega. Buyuk mutafakkirlarimizdan Ibn-Sino, Beruniy, Ulug'bek va boshqalarning qilgan ishlarini, ularning hayotlaridan lavhalarni yoki bo'lmasa XX asrda fizika sohasida Respublikamizda fizika o'qitish muammolari B.M.Mirzaxmedov, K.A.Tursunmetov, S.Q.Qaxxorov, N.YU.Turayev, M.Djorev, M.Mamadazimov, ta'limda innovatsion ta'limni rivojlantirish va takomillashtirish B.A. Abdullayev, S.Isamitdinov, pedagogika sohasida innovatsion model va metodlarni qo'llash D.S.Tulyaganova, J.O.Tolipova, ta'lim tizimida pedagogik va axborot texnologiyalaridan foydalanish J.G'.Yo'ldoshev, N.N.Azizxo'jayeva, O.X.To'raqulov, A.Abduqodirov, K.R.Ishmatov, N.X.Avliyaqulov, R.Ishmuxamedov, N.S.Saidaxmedov, X.I.Isayev, A.Mavlyanov, N.Boltayev, SH.M.Qadirovlarning tadqiqot ishlari, metodik qo'llanmalari, darsliklari va ilmiy maqolalaridan va boshqa vatanimiz olimlari qilgan ishlarni sinfdan tashqari o'tkaziladigan tadbirlarda ko'rsatish, devoriy gazetalarda ma'lumotlar berish yaxshi samara beradi. Shuningdek, keyingi paytlarda vatanimiz fizik olimlari boshqa mamlakatlar olimlari bilan hamkorlikda ishlab erishayotgan yutuqlari haqida, bu yutuqlar turli millat vakillarining hamkorlikdagi ishining natijalari ekanligini o'tkaziladigan tadbirlar orqali o'quvchilar ongiga yetkaza olsak maqsadga erishgan bo'lamiz.

Fizika fani bilan uning ta'lim tizimida o'qitish orasidagi bog'lanish fizika fanining taraqqiyotiga va o'qitish metodikasining holatiga bog'liqdir.

Shu jumladan ta'lim muassasalarida fizika kursini o'qitilishida:

- Darsdan tashqari mashg'ulotlarning fizika o'qitishda tutgan o'rni;

- Fizikadan to'garak va qiziqarli fizika kechalarining ta'lim tizimdagi ahamiyati;

- Darsdan tashqari mashg'ulotlarni o'tkazishda zamonaviy pedagogik texnologiyalarni qo'llash metodikasiga doir ma'lumotlar bilan yoritish lozimdir.