Режа Чорвачиликда ишлатиладиган озуқалар ва уларнинг тавсифномалари

2-Маъруза

Мавзу: ЧОРВАЧИЛИК ФЕРМАЛАРИДА ОЗУҚА ЕТИШТИРИШ, ТАЙЁРЛАШ ВА САҚЛАШ ЖАРАЁНЛАРИНИ МЕХАНИЗАЦИЯЛАШТИРИШ

Режа

Чорвачиликда ишлатиладиган озуқалар ва уларнинг тавсифномалари.

Тупроққа ишлов бериш, экиш ва озуқабоп экинларга қаров ўтказишни механизациялаш.

Экинларни йиғиш машиналари.

 

•  
• ТАЯНЧ СЎЗ ВА ИБОРАЛАР:
• 1.Дағал озуқа. 2.Ширали озуқа. 3. омухта ем. 4. Концентрат озуқа. 5.Минерал озуқа. 6. Дон майдалаш усуллари.7. Майдалаш даражаси.8. Болғачали дробилка.
•  
• Қишлоқ хўжалик ҳайвонларидан олинадиган маҳсулотнинг мўл ва сифатли бўлишида озуқа тўйимлилиги муҳим аҳамиятга эга. Чунки чорва моллари турли ўсимликлар озуқаларини истеъмол қилиб сут ва гўшт маҳсулотига айлантиради. Шунинг учун озуқалар тўйимлилигига баҳо бермасдан туриб озиқлантиришни тўғри ташкил қилиш ҳам мумкин эмас. Озуқалар таркибидаги тўйимли моддалар ва уларни организмда енгил хазм бўлиши билан ҳарактерланади. Шу билан бирга мазали таъмга эга бўлиб, моллар саломатлигига хавфли, зарарли моддалардан ҳоли бўлиши керак. Ўсимлик озуқаларининг озуқавий қийматини уларнинг кимёвий таркиби белгилаб беради. Озуқаларнинг кимёвий элементлари бир-бири билан маълум даражада боғланади, турли органик ва минерал моддаларни ҳосил қилади ва улар турли гуруҳларга бирлашади ҳамда сув, минерал (кул) ва органик моддалар-оқсиллар, углеводлар ва ёғларни ташкил қилади. Ўсимликларнинг қуруқ моддаларида углеводлар нисбати юқори бўлади. Ўсимлик озуқалари ва ҳайвон организмининг схематик кимёвий анализи қуйидаги куринишга эга. Озуқалар таркибидаги сув миқдори 5-95 % га тенг. Озуқалар таркибида сув қанча кўп бўлса ундаги қуруқ модда миқдори ва тўйимлик қиймати шунча паст бўлади. Юқори тўйимли ва айниқса, ёғ ва дон саноати ишлаб чиқаришидан олинган озуқалар таркибида сув кам. Жумладан, кунжарада-10% га яқин, дон-кепагида -12-14%, пичанда -14-17%, турли яшил озуқаларда -70-85%, силосда 60-70%, сенажда 45-55%, илдизмеваларда -90%дан юқори.