Режа: Бахшичилик санъатини ҳалқимизга барҳаёт этган устозлар

Устоз бахшиларнинг ҳаёти, ижоди ва бахшичилик санъати ривожланишига қўшган ҳиссаси.

Қадимий бахшилик санъатини асрлардан асрларга, авлодлардан авлодларга олиб ўтган атоқли намояндаларидан Эргаш Жуманбулбул ўғли, Фозил Йўлдош ўғли, Ислом шоир Назар ўғли, Муҳаммадқул Жонмурод ўғли Пўлкан, Бекмурод Жўрабой ўғли, Умир шоир Сафар ўғли, Бола бахши, Раҳматулла Юсуф ўғли, Қодир бахши Раҳимов бахшичилик санъатини кенг тарғиб қилиб, халқимиз орасида ҳурмат қозонишган.

Шерна бахши (1855-1920й) - Шерназар Бекназар ўғли (1855 -Сурхондарё вилояти Шеробод тумани Азон қишлоғи - 20-аср 1-ярми) - бахши, достончи. Шеробод достончилик мактаби вакили. Бахшилар оиласида туғилган, 9-10 ёшларидаёқ дўмбира чалиб, куйлай бошлаган. Сўнг Шерободлик Қосим (шоир) бахшига шогирд тушган. Шерободдагина эмас, Сурхондарё, Қашқадарёда, ҳатто Тожикистон ва Туркманистонда ҳам машҳур бўлган. Репертуарида 50 дан ортиқ достон, термалар, дўмбира куйлари бўлган. Шерна бахши - Умир бахши (Сафаров), Ражаб бахши Нормурод ўғли, Юсуф Ўтаган ўғли, Мардонқул Авлиёқул ўғли каби 20 дан ортиқ шогирд етиштирган. Халқ Шерна бахши ҳақида ривоятлар тўқиган.
Шерна бахши 17 ёшида Шерабод бегининг назарига тушиб, сарой бахшиси васиқасини олади. Ғузорда Қосимкўр номли бобо шоирдан терма достон ўрганиб “Гўрўғли туркум” достонларини 46 тасини ўрганади. Сўнгра 6 ой давомида 34 нафар шогирдларини ҳам етаклаб бориб, Қосимкўр бахшидан Гўрўғлининг 46 достонини ёд олдиради. Башоратчи ҳам бўлади 1918 йили истара номли қишлоқдаги тўйда халқни йиғинг 7 та башорат қиламан дейди. Шунинг ҳаммаси яқинда бўлади,лекин мен кўрмайман дейди ...
1. Осмондан йўл бўлади;
2. Қоғоздан пул бўлади;
3. Кунчиқардан сув келади, Чилбир чўли обод бўлади;
4. Шул масканда бир тегирмон қурилади жамики халққа ун беради;
5. Хотинлар бозор қилади;
6. Қишлоқларга кераготур тутилиб қолади;
7. Ислом дини заифлашиб қолади
дея башорат қилгандан кейин 1920 йилда 54 ёшида вафот этади. Кейинчалик айнан 1920 йилнинг ўзида Николайнинг самалёти осмонга парвоз қилади, 10 сўмлик қоғоз пули муомалага киритилади. Шунда халқ жуйрук (чечан) бахши авлиёмиздан айрилган эканмиз дея надомат қилишади. Шундан буён маҳаллий аҳоли Шерна бахши қабрини муқаддас қадамжо сифатида зиёрат қиладиган бўлишади.
Бир сўз билан айтганда Шерна бахшидек ноёб иқтидор соҳиблари туфайли Сурхон воҳасида бахшичилик санъати тараққий этиб, бугунги кунда ўзбек миллатининг маънавий мероси сифатида эътироф этилмоқда