Режа Анъанавий энергия манбалари турлари ва уларнинг энергетик қуввати

Кириш. Анъанавий ва муқобил энергия манбалари турлари, уларнинг ютуқ ва камчиликлари


Режа

1. 
   Анъанавий энергия манбалари турлари ва уларнинг энергетик қуввати
   
2. 
   Муқобил ва қайта тикланувчи энергия манбалари турлари, келажакдаги истиқболлари
   

1. Анъанавий энергия манбалари турлари ва уларнинг энергетик қуввати. Мактаб физика курсидан маълумки, турли шаклдаги энергия, масалан: механик, кимёвий, ядровий ва бошқа энергиялар ҳар доим бир-бирига айланиши мумкин. Бунда энергия миқдор жиҳатидан сақланади, яъни бордан йўқ бўлмайди, йўқдан бор бўлмайди. Шу сабабли табиатдаги турли ҳодисалар ва жараёнлар энергия тушунчаси орқали бир-бирига боғланган. Кўп йиллик илм-фан тарққиёти асосида амалий жиҳатдан бошка энергия турларига қараганда электр энергияси олиш осон ва ишлаб чиқилган электр-энергиясини узок масофаларга узатиш имкони бўлган манбаларига анаънавий энергия манбалари дейилади. Бу энергия турларида органик ёқилғилар-нефт маҳсулотлари, тошкўмир ва бошқа ҳар хил қаттиқ ёқилғилар, газ, атом ва бошқалар хом-ашё сифатида фойдаланилади. Иссиқлик электростанциялари (ИЭС), органик ёқилғилар(кўмир, нефт маҳсулотлари ва газ)ни ёқиш натижасида ҳосил бўладиган иссиқлик энергиясини электроэнергияга айлантириб берувчи энергетик агрегатлардир. Органик ёқилғилардан бир марта фойдаланилгандан сўнг ундан қайта фойдаланиб бўлмайди. Шунинг учун уларни қайталанмайдиган энергия манбалари ҳам деб аталади. Қайталанмаганлиги учун улардан тежаб-тергаб фойдаланиш хамда уларнинг ўрнини босадиган бошқа арзон электроэнергия олиш мумкин булган усуллардан фойдаланиш лозим. Шунинг билан бир қаторда, иссиқлик электростанциялариниг чиқиндилари атроф-муҳитга катта зарар етказади.
Атом электростанциялари (АЭС) атом (ядро) энергиясини электр энергиясига айлантириб беради. Атом реактори бу энергия генератори ҳисобланади. АЭС ядро ёқилғиси(уран, плутоний ва бошқалар)да ишлайди. Ядро ёқилғисининг заҳиралари органик ёкилғилар заҳираларига қарагандаанча миқдорда кўпдир.