Режа: амир темур разведкасининг тутган ўрни ва аҳамияти

РЕЖА:

1. 
   АМИР ТЕМУР РАЗВЕДКАСИНИНГ ТУТГАН ЎРНИ ВА АҲАМИЯТИ
   
2. 
   АМИР ТЕМУРНИНГ ҲАРБИЙ САНЪАТИ
   
3. 
   АМИР ТЕМУРНИНГ ҲАРБИЙ ЮРИШЛАРИ
   

Кириш қисми

Инсоният тарихида ҳарбий санъатда ўчмас из қолдирган ҳарбий бошлиқлар жуда кўп. Унга мисол бўлиб Искандар Зулқарнай, Ганнибал, Юлий Цезарь ва бошқалар хизмат қилади. Уларнинг қаторида биз фахр ва чуқур эҳтиром билан Ўрта асрлар Шарқининг буюк давлат арбоби ва саркардаси Амир Темур номини эсга оламиз. Амир Темур стратегия мактабини, жанг олиб бориш тактикаси ва душман устидан ғалабага эришишнинг бетакрор усулларини яратиб ҳарбий санъат тарихи саҳифаларини бойитди.

Жаҳон ҳарбий тарихи Амир Темурни Ўрта Осиё Шарқининг буюк саркадаси эканлигини эътироф этади. Унинг ҳарбий истеъдоди икки йўналишда -саркарда ва армиянинг ислоҳотчиси эканлигида намоён бўлди. Душманни айланиб ўтиш усули, уни ўзи учун қулай позицияга йўналтириш, куч жиҳатдан устун бўлган ғанимни ҳолдан тойдириш, қириб ташлашдек тактика ва стратегия унга тегишлидир.
Мана шунинг учун ҳам кўплаб давлатларнинг ҳарбий ўқув юртларида Амир Темурнинг ҳарбий санъати ўрганилади. Унинг жанговар тажрибаси жаҳоннинг бир қанча ҳарбий академиялари дарсликларига киритилган.
Истеъдоди унга буюк саркарда шарафини келтирди. Амир Темур мустаҳкам интизоми билан ажралиб турадиган, қийинчиликларни мардонавор енгиб ўтишга қодир мунтазам армия яратди, жангчиларда бўлажак ҳар қандай жангда ғалабага эришишга ишонч руҳини тарбиялади.
Амир Темур Чингисхон давридан етиб келган ҳарбий санъатни такомиллаштирди. У Чингисхон армияси таркибини ўрганиб чиқиб, унинг яхши томонларини таҳлил қилиб, камчиликларини аниқлаб, улардан воз кечди ва тубдан фарқ қиладиган ўз армиясини яратди.
Ушбу маъқолада Амир Темурнинг ҳарбий санъатида разведканинг тутган ўрни ва аҳамияти тўғрисида сўз юритамиз.
АМИР ТЕМУР РАЗВЕДКАСИНИНГ ТУТГАН ЎРНИ ВА АҲАМИЯТИ

“....давлатчилигимиз асосларини яратиб кетган Темур бобомиз ғайрат – шижоати, юксак ақл-заковати, тадбиркорлиги, элпарварлиги билан бизга ҳамиша ибрат намунаси бўлиб қолғусидир. Биз у зоти олийдан ҳамиша руҳий мадад оламиз”