Регламент переговоров о приготовлении маршрутов

ЯРИМ АВТОМАТИК БЛОКИРОВКА
НОСОЗЛИГИДА ПОЕЗДЛАР ҲАРАКАТИ
Қуйидаги носозликларда ярим автоматик блокировка ҳаракати тўхтатилади:
а) чиқиш ёки ўтиш светофорини ёпишнинг иложи йўқлиги;
б) перегон бўшлигида чиқиш ёки ўтиш светофорини очишни иложи йўқлиги (жумладан, чиқиш светофорида ажратилган участкалар бўшлиги назоратини ўчириш ёрдамчи кнопкаларни қўллаб);
в) блокировка сигналлари ўз-ўзидан қабул қилиниши;
г) блокировка сигналларини узатиш ёки қабул қилишнинг иложи йўқлиги;
д) блок-аппаратда пломбалар йўқлиги (педал-замичкадаги ёки ёрдамчи кнопкадаги пломбалар мустасно).
Кўрсатилган барча ҳолатларда, шунингдек, блокировка қурилмалари ҳаракатини вақтинча тўхтатадиган ушбу қурилмаларни қайта жиҳозлаш, кўчириш, таъмирлаш, синаш, алмаштириш ва бошқа ишлар пайтида блокировка бўйича поездлар ҳаракати тўхтатилиб, телефон алоқаси орқали ўрнатилади.
Электромеханик ярим автоматик блокировка аппаратини (станция навбатчисининг бошқарув аппаратини) кўздан кечираётганда блокировка амал қилиши тўхтатилмайди. Бунда блок-аппарат очиқ пайтида станция навбатчиси ва электромеханик блокировка қурилмалари тўғри ишлашини ўта диққат билан кузатишлари шарт.
Ярим автоматик блокировка қурилмаларини кўздан кечириш, ростлаш ва мойлаш якунлангандан сўнг, пломба қўйишдан аввал электромеханик станция навбатчиси билан биргаликда назорат асбобларининг кўрсатмалари бўйича блок-аппарат кўрсатмаларининг перегонлар ҳолатига мувофиқлигини (поездлар ҳаракати журналидаги ёзувлар ва қўшни алоҳида пунктлар навбатчилари билан сўзлашувлар бўйича) текширадилар.
Блок-аппаратни кўздан кечириш ёки таъмирлаш учун очилган ҳар бир ҳолат, шунингдек, бу ишнинг якунланганлиги хақида электромеханик кўрик журналига тегишли ёзувни киритади.
Телефон алоқага ўтиш, шунингдек, блокировка бўйича поездлар ҳаракатини тиклаш, станция навбатчилари орқали перегоннинг бўшлиги текширилгандан сўнг, поезд диспетчери буйруғи билан амалга оширилади.
Диспетчерлик алоқаси носозлигида, поездлар ҳаракатида телефон алоқасига ўтиш ва блокировка ҳаракатини тиклаш ушбу Йўриқноманинг 44 ва 45 пунктларида кўрсатилган тартибда телефонограмма матнида «автоблокировка» сўзини «блокировка» сўзига алмаштириш билан амалга оширилади.
Блокировка амал қилиши тўхтатилиб, телефон алоқасига ўтилгандан сўнг, поездлар машинистларига қўшни алоҳида пунктгача ҳаракатланиш учун йўл хати (қоғози) (ДУ-50 шаклидаги бланк) берилади.
Тақиқ кўрсатмали маршрут светофоридан (чиқиш светофоригача) поездлар қуйидагиларга асосан ўтиши мумкин:
ташриф сигнали бўйича;
жўнатилаётган поезд машинистига радио алоқа орқали узатиладиган станция навбатчисининг қайд этилувчи буйруғи бўйича;
I пункти тўлдирилган яшил бланкдаги рухсатнома (матн қўлда мувофиқ равишда ўзгартирилганда) бўйича.
Поезд икки локомотив ёки перегоннинг охиригача борадиган сурувчи локомотив билан ҳаракатланганда, перегонни банд этиш хуқуқини берувчи рухсатнома фақат етакчи локомотив машинистига тақдим этилади. Иккинчи (локомотив иккита бўлганда) ва сурувчи локомотивларнинг машинистлари сигналлар ёки радио алоқа орқали узатиладиган, етакчи локомотив машинистининг хабарларига биноан ҳаракатланиши лозим.
Блокировка телефон алоқасининг носозлигида станция навбатчиси бошқарув аппаратларидаги назорат асбоблари кўрсатмаларининг ўзгаришини ўта диққат билан кузатиши лозим.
Бу ҳолатда поездлар ҳаракати тўғрисида хабарлар поезд диспетчери орқали ёки станция навбатчисининг ихтиёрида бўлган бошқа алоқа воситалари бўйича узатилади.
Бир йўналишда ҳаракатланиш учун ярим автоматик блокировка билан жиҳозланган икки йўллик (кўп йўллик) перегонларда поездларни (регулировка-ростлаш мақсадида) нотўғри йўлдан жўнатиш поезд диспетчерининг буйруғига биноан, бир йўллик ҳаракат қоидалари бўйича, телефон алоқасига ўтиш билан амалга оширилади.
Ярим автоматик блокировка тизими ва у ёки бу участкадаги конкрет иш ҳолатига боғлиқ равишда қурилмалардан фойдаланиш тартиби, шунингдек, поездларни қабул қилиш, жўнатиш ва ўтказишда ходимларнинг ҳаракат тартиби зарур ҳолда темир йўлда ишлаб чиқиладиган йўриқномаларда белгиланади.
ДУ-52 шаклидаги бланк