Регламент переговоров о приготовлении маршрутов

ЙЎЛ ПОСТЛАРИ (БЛОК-ПОСТЛАРИ) ГА

ЭГА ПЕРЕГОНЛАРДА ПОЕЗДЛАР ҲАРАКАТИ
Қўшни алоҳида пунктдан поезд жўнатилганлиги хақида блокировка сигналини қабул қилиб, пост навбатчиси олдиндаги перегоннинг бўшлигида ўтиш светофорини очади. Ўтиш светофори очилиши билаи бир пайтда қўшни алоҳида пунктга автоматик равишда бошқарув блокировка сигнали узатилади (электромеханик блокировкада ўтиш светофори ёпилгандан сўнг блокировка сигнали алоҳида узатилади).
Поезд ўтиш светофорини босиб ўтгандан сўнг, сигнал кнопка (дастак) пост навбатчиси томонидан сигнал ёпиқ ҳолатига ўрнатилади. Поезд тўлиқ таркибда ўтганига ишонч ҳосил қилгандан сўнг, пост навбатчиси қўшни станцияларга поезднинг хақиқатда ўгган вақти тўғрисида хабар қилади, орқада қолган алоҳида пунктга эса, бундан ташқари, ўтиш блокировка сигналини узатади (электромеханик блокировкада ўтиш блокировка сигнали бир пайтнинг ўзида олдиндаги алоҳида пунктга ҳам узатилади).
Агар поезд сурувчи локомотив билан ҳаракатланган бўлса, пост навбатчиси сурувчи локомотив ўтганига ишонч ҳосил қилгандан кейингина орқада қолган алоҳида пунктга ўтиш блокировка сигналини узатади.
Поезд сурувчи локомотивсиз ўтиб кетса, пост навбатчиси бу тўғрида дарҳол қўшни алоҳида пунктларга хабар қилади, аммо блокировка сигналини узатмайди (электромеханик блокировкада ўтиш светофорини ҳам ёпмайди).
Олдиндаги пост навбатчилари ҳам шу каби тартибда ҳаракат қиладилар. Электромеханик блокировкада олдиндаги пост навбатчилари поездни бўш перегонга ёпиқ ўтиш светофорида, машинистга I пункти тўлдирилган яшил бланкдаги рухсатнома (ДУ-52 шаклидаги бланк) бериб ўтказадилар.
Ҳар бир блок-пост навбатчиси фақат қолиб кетган сурувчи локомотив блок-постдан ўтгандан сўнг, ёпиш блокировка сигналини узатади.
Олдинда кетаётган поезд ўтиш светофорини автоматик тарзда ёпиб кетса, сурувчи локомотив қўшни блок-участкага ўтиш светофорининг тақиқ кўрсатмасида киради.
Автоматик блок-постлар; туташув пунктларига хизмат кўрсатувчи блок-постлар; йўл ривожланишига эга (суткада тўлиқ ишламаганида) алоҳида пунктлари ўрнига даврий очиладиган блок-постлар билан жиҳозланган перегонларда поездлар ҳаракати ташкил этилиши қурилмалар тизимига боғлиқ равишда ДАТК раиси томонидан белгиланади.