Referati Gimnastika bilan shug‘ullanishda bajariladigan harakatli o‘yinlar

To‘p bilan bir-biridan o‘zib ketish
O‘yinga tayyorlanish. O‘yinchilar maydonchaning yon chizig‘ida saf turib markazga qarab turadilar. Bir jamoa shitning o‘ng tomonida, boshqasi chap tomonida turadi. O‘yinchilar o‘rtasidagi masofa 3 m bo‘ladi. O‘yinchilar tartib bilan sanaydilar.
O‘yin tasnifi. Rahbar to‘pni shitga otadi va xohlagan raqamini chaqiradi. Shu raqamdagi ikki o‘yinchi oldinga yugurib chiqadi va to‘pni egallab olishga harakat qiladi. Buning uddasidan chiqqan o‘yinchi to‘pni o‘z jamoasidagi oxirgi o‘yinchiga uzatadi, u o‘z navbatida safda turgan keyingi o‘yinchilarga (qo‘ldan-qo‘lga yoki to‘pni yerga urib) uzatadi. To‘pni egallay olmagan o‘yinchi o‘z o‘yinchilarini chap tomonidan aylanib o‘tib, boshqa jamoa o‘yinchisiga uzatilgan to‘pga yetib olishga harakat qiladi. Agar yuguruvchi o‘yinchi safning oxiriga to‘pdan oldin borsa, uning jamoasiga ochko beriladi. Shitga otilgan to‘pni uning o‘yinchisi egallasa boshqa jamoa ham bir ochko oladi. Agar finish chizig‘ini birinchi bo‘lib to‘p kesib o‘tsa, unda jamoaga ikkita ochko beriladi. So‘ngra rahbar boshqa raqamlarni chaqiradi. To‘p uchun kurashda qatnashgan o‘yinchilar, yana o‘z joylariga turadilar. Ko‘p ochko to‘plagan jamoa, g‘olib bo‘ladi.
O‘yin qoidasi. To‘pni tushirib yuborgan o‘yinchi, uni olib joyiga qaytib kelib, yana uzatadi.
Besh kishi bo‘lib hujum qilish
O‘yinga tayyorlanish. Basketbol maydonchasida uchta jamoa o‘ynaydi. Ikkinchi va uchinchi beshliklar o‘z shiti tagida zonali himoyani tashkil etadi. To‘p ikkinchi beshlikka nisbatan erkin tartibda joylashgan birinchi beshlik o‘yinchilarida bo‘ladi. Jamoa o‘yinchilari turli rangdagi mayka kiyadilar.
O‘yin tasnifi. Rahbar signali bo‘yicha birinchi beshlik ikkinchi beshlik shitiga hujum qilib to‘pni halqaga tushirishga harakat qiladi. Ikkinchi beshlik o‘yinchilari to‘pni egallab olishlari bilan ular to‘xtamay, uchinchi beshlik shitiga hujum qiladilar. Birinchi beshlik to‘pni oldirganidan so‘ng, ikkinchi beshlik o‘rnida zonali himoya hosil qiladi. Uchinchi beshlik to‘pni egallab olganidan keyin, birinchi beshlik tomon hujum boshlaydi va h.k. To‘pni halqaga tashlagan jamoaga ochko beriladi va ular zonali himoya tashkil qiladilar, yutqazganlar esa hujumga o‘tadilar.
O‘yin 10-15 daqiqa davom etadi. Ko‘p ochko to‘plagan jamoa g‘olib hisoblanadi. O‘yin basketbol qoidalari bo‘yicha o‘tkaziladi.