Referati dtpi 2023 Biznes faoliyatida maʼmuriy va jinoiy javobgarlik asoslari reja

Denov tadbirkorlik va pedagogika instituti

"Tadbirkorlik va boshqaruv" fakulteti biznesni boshqarish
yoʻnalishi 7bx-22-guruh talabasi Aminboyev Shohjahon Sardorov Mirzabek BIZNES HUQUQI
fanidan tayyorlagan
REFERATI

DTPI_2023


Biznes faoliyatida maʼmuriy va jinoiy javobgarlik asoslari


REJA

1. Javobgarlik tushunchasi va turlari.

2. Shartnomaviy majburiyatlarini bajarmaganlik yoki lozim darajada ajarmaganlik uchun mulkiy javobgarlik.
3. Biznes faoliyatida maʼmuriy va jinoiy javobgarlik asoslari.

Javobgarlik bu - qonun yoki shartnomaga asosan bajarilishi lozim boʻlgan majburiyat bajarilmagan yoki lozim darajada bajarilmaganda vujudga keladigan huquqiy oqibat. FKning 166-moddasiga koʻra, mulkdor faqat qonunda nazarda tutilgan hollarda va tartibdagina mulkidan mahrum etilishi mumkin. Oʻzbekiston Respublikasining Fuqarolik kodeksida va boshqa qator qonunlarda mulk huquqini bekor boʻlish asoslari va tartibi batafsil belgilab qoʻyilgan. Mulkdor har qanday holatda emas, balki oʻzining gʻayri-huquqiy harakatlari yoki jamiyat manfaatlari taqozosiga koʻra, muayyan cheklangan holatlardagina oʻz mol-mulkidan mahrum etilishi mumkin. Asosiy qonunimizda mulk huquqini mazmuni va mulkdor vakolatlarini amalga oshirish chegarasi belgilab qoʻyilgan. Mulkdor vakolatlari, eng avvalo, oʻz mol-mulkiga oʻz xohishiga koʻra egalik qilish, foydalanish, tasarruf qilishda namoyon boʻladi. Biroq, mulkdor vakolatlari mutlaqo chegarasiz emas. Mulkdor oʻz mol - mulkidan foydalanish jarayonida ekologik muhitga zarar yetkazmasligi, boshqa subyektlarni huquqlari hamda qonun bilan qoʻriqlanadigan manfaatlarini buzmasligi shart. Konstitutsiyada jamiyat iqtisodiy negizlari bilan bogʻliq yana bir konstitutsiyaviy prinsip bu - iqtisodiy faoliyat, tadbirkorlik va mehnat qilish erkinligi prinsipi hisoblanadi. Iqtisodiy faoliyat erkinligining mohiyati shundan iboratki, fuqarolar va yuridik shaxslar qonunlarda taʼqiqlanmagan har qanday iqtisodiy faoliyat bilan shugʻullanishlari mumkin. Ushbu iqtisodiy faoliyatni amalga oshiruvchisi tomonidan foyda olish maqsadi koʻzda tutilsa tadbirkorlik faoliyati hisoblanadi. Agarda bunday maqsadni koʻzlamasa hayriya, birgalikdagi faoliyat va shu kabi koʻrinishlarda namoyon boʻlishi mumkin. Tadbirkorlik faoliyati erkinligi fuqaro yoki tijoratchi yuridik shaxsga qonunda taʼqiqlanmagan har qanday faoliyat sohasi boʻyicha tadbirkorlikni amalga oshirish imkonini beradi. Biroq har qanday iqtisodiy faoliyatni, tadbirkorlikni va mehnat faoliyatini amalga oshiruvchi har bir subyekt oʻz faoliyati natijalaridan bahramand boʻluvchi isteʼmolchilar huquqi ustunligini unutmasliklari lozim.