Referat mavzu: Ta’lim standardi Bajardi: Zarifov Temurbek Ilmiy pedogogik faoliyat Reja

Fan dasturi ikki turga boʼlinadi:
* Namunaviy oʼquv dasturi
* Ishchi oʼquv dasturi.
Namunaviy oʼquv dasturi - oʼquv rejadagi aniq fanlar boʼyicha davlat taʼlim standartlariga asosan tayanch OTMlarining tegishli kafedralari tomonidan ishlab chiqiladigan, oʼquv materiallarni oʼzlashtirishga va oʼqitish mazmuniga qoʼyiladigan majburiy talablarni oʼz ichiga oladigan Oʼzbekiston Respublikasi Oliy va oʼrta maxsus taʼlim vazirligi tomonidan tasdiqlanadigan, OTMlari bakalavriat taʼlim yoʼnalishlari va magistratura mutaxassisliklari talabalari uchun tavsiya etiladigan meʼyoriy hujjat xisoblanadi.
Namunaviy oʼquv dasturi Oliy va oʼrta maxsus taʼlim vazirligining buyrugʼi bilan tayanch etib belgilangan oliy taʼlim muassasalari kafedralarida tegishli fan sohasidagi yetuk olimlar, mutaxassislar va tajribali professor-oʼqituvchilardan tashkil topgan ijodiy guruh tomonidan tuziladi.Намунавий ўқув дастури қуйидагиларни ўз ичига олади:
* Kirish
* Аsosiy qism
* Аmaliy mashgʼulot mavzulari
* Seminar mavzulari
* Mustaqil taʼlim mavzulari
* Tavsiya etiladigan darsliklar va oʼquv qoʼllanmalar roʼyxati.
Davlat taʼlim standartlari talablaridan kelib chiqib, maʼlum fanlardan chizma-hisob, kurs ishlari, loyihalari va ularning mavzu va yoʼnalishlari ham keltirilishi mumkin.
Namunaviy oʼquv dasturi tasdiqlangan oʼquv rejalariga kiritilgan muayyan fan uchun ajratilgan eng koʼp vaqt byudjetiga moslab, har 20-soatlik material uchun taxminan bir bet hajmda tuziladi.
Dastur fan, texnika, texnologiyaning soʼngi yutuqlari, oliy taʼlim rivojlanishining jahon tendentsiyasini hisobga olish Respublikada joriy etilgan uzluksiz taʼlim tizimining taʼlim turlari oʼrtasidagi uzviylik va uzluksizlikni taʼminlashi, ayniqsa umumiy oʼrta taʼlim, oʼrta maxsus, kasbhunar taʼlimi va oliy taʼlimda uzluksiz oʼqitiladigan fanlarda mavzularning mantiqiy ketma-ketligi, oddiydan murakkablikka, hususiydan umumiylikka oʼtib borish tamoyillariga amal qilishi shart. Dasturda taʼlim oluvchilarning mustaqil bilim izlash va uni oʼzlashtirish, oʼqitish jarayonini interaktiv pedagogika asosida tashkil etishga mavzularning bir xil talqinida takrorlanmasligiga eʼtibor berilishi zarur.
Namunaviy oʼquv dasturi tayanch oliy taʼlim muassasasining tegishli kafedrasi, fakulʼtet yoki OTM uslubiy (ilmiy) kengashida muhokama qilinadi.