Referat mavzu: Ma’muriy huquqiy munosabatlar Bajardi: Fozilova G. Toshkent -2014 Reja

Mehnat huquqi bilan o‘zaro munosabati
Ma’muriy huquq me’yorlari mehnat munosabatlarini tartibga soluvchi davlat boshqaruv organlarining (masalan, mehnat va aholini ijtimoiy muhofaza qilish organlari) vakolatini belgilab beradi. Mehnat munosabatlari sohasidagi boshqaruv aktlarining mazmunini mehnat huquqi, ushbu aktlarni chiqarish tartibini ma’muriy huquq belgilaydi. Masalan, fuqaro korxona bilan mehnat shartnomasini tuzganida mehnat huquqi me’yorlari bilan tartibga solinadigan munosabatlarga kirishadi. Korxona rahbarining xodimni ishga qabul qilish to‘g‘risida chiqargan buyrug‘i ma’muriy huquq tomonidan tartibga solinadi. Davlat apparatidagi xizmat ma’muriy huquq tomonidan ham, mehnat huquqi tomonidan ham tartibga solinadi.
Jinoyat huquqi bilan o‘zaro munosabati
Ma’muriy huquq o‘zida ko‘pgina umummajburiy bo‘lgan qoidalarni (masalan, yul harakati, pasport tizimi, sanitariya va h.k.lar) mujassamlashtiradi. Ma’muriy huquq fani qanday huquqbuzarliklar ma’muriy huquqbuzarlik hisoblanishini, ularni ko‘rib chiqish tartibini, ma’muriy javobgarlik va jazoni belgilab beradi.
Jinoyat huquqi esa, qanday xatti-harakatlar jinoyat hisoblanishi va bular uchun qanday jinoiy javobgarlik choralari qo‘llanilishini belgilab beradi. Bu ikki huquq tarmog‘i bir-birining me’yorlarini harakatga keltirishi mumkin. Masalan, takroran ma’muriy huquqbuzarlikni sodir etish jinoiy javobgarlik me’yorlarini, ijtimoiy xavfi katta bo‘lmagan qilmishlar esa ma’muriy javobgarlik me’yorlarini harakatga keltiradi.
Fuqarolik huquqi bilan o‘zaro munosabati.
Ma’muriy huquq fuqarolik huquqi bilan chambarchas bog‘liqdir. Bu ikki huquq tarmog‘i ayrim holatlarda bir xildagi ijtimoiy munosabatlarni tartibga soladi, lekin turli usullar yordamida. Masalan, vakolatli davlat organining buyrug‘iga binoan bir xo‘jalik tashkiloti boshqasiga bino yoki inshootni beradi. Bunda davlat boshqaruv organi hokimiyat usulidan foydalanadi, ya’ni ma’muriy huquq yordamida ikki xo‘jalik yurituvchi tashkilotining mulkiy munosabati tartibga solinadi. Fukarolik huquqi esa, mazkur tashkilotlar o‘rtasida yuzaga keladigan shartnoma munosabatlarining mazmunini belgilab beradi.