Referat mavzu: Kasb psixologiyasining predmeti, vazifalari va a maliy so

2.KASB PSIXOLOGIYASINING PREDMETI VA OBYEKTI

Kasb psixologiyasi insonni mehnat qilishga, o‘z rizqini o‘zi topgan holda kelajagini qurish maqsadida shakllanib borgan uzoq tarixga ega bo‘lgan soha hisoblanadi. Albatta, u insoniyatning keyingi tarixiy taraqqiyotida mustaqil soha sifatida shakllandi.
Kasb psixologiyasining predmeti-bu shaxsni kasbni egallashi bilan bog‘Iiq bo‘lgan o‘ziga xos tomonlari, qonuniyatlari, mexanizmlarini o‘rganish hisoblanadi. Bundan kelib chiqib aytish mumkinki, kasb psixologiyasi - bu amaliy psixologiyaning alohida yo‘nalishi bo‘lib, shaxsni kasb tanlashining qonuniyatlarini shakllanishini, kasb tanlashini, bu kasbni egallashini, kasb mutaxassisini shakllanishi, baholanishini va shu kasbni egasi bo‘lishini, shuningdek, kasbiy destrukturani o‘rganuvchi fan hisoblanadi.
Kasb psixologiyasini predmeti-bu shaxsni kasb tanlashi, o‘z kasbini yaxshi bilishga intilishi, insonni kasb tanlashiga sabab bo‘luvchi motivlarni va о‘zini yaxshi yashashi uchun intilishi kabi masalalarni o'rganish orqali namoyon bo'ladi. Insonni kasbni egallashi bilan bog‘liq bo‘Igan qonunlarni, bu qonunlarni ishlash mexanizmini, kasbga xos bo‘Igan shaxsni tarbiyalash, uning o'zi tanlagan kasbga bo‘Igan munosabati kabi masalalarni о‘rganish kasb psixologiyasining predmetiga kiradi.
Kasb psixologiyasining obyekti - bu shaxs va kasb o‘rtasidagi o‘zaro ta’sir, bu ta’sirning natijalarini o‘rganish hisoblanadi. Kasb psixologiyasining obyekti bo‘lib shaxs va kasb o‘rtasidagi o‘zaro munosabat hisoblanadi. Kasb psixologiyasi shaxsni kasb egallab borishini o‘rganadi. Kasb psixologiyasini o‘rganishning markazida shaxsni kasbiy rivojlanib borishi va kasbni tanlab olishi yotadi. Bu yerda shaxs kasbiy shakllanishning subyekti sifatida qaraladi.
Kasb psixologiyasi bu fanlar predmeti va o‘rganish obyektini farqlanishi bilan birga ularni olib borayotgan tadqiqotlari yutuqlariga ham suyanadi. Kasb psixologiyasining predmetini o‘rganish orqali insonlarni kasb tanlashga yo‘naltiriladi. Kasb psixologiyasi muhandislik psixologiyasi, mehnat psixologiyasi, pedagogik psixologiyasi, yosh davrlar psixologiyasi bilan uzviy bog‘liq bo‘lib, ularning yutuqlaridan foydalangan holda yoshlarni kasbga yo‘naltirishda muhim rol o‘ynaydi.