Реферат мавзу: Интернет фирибгарлиги тури ва шакллари

Шу ерда бир савол туғилади - қандай қилиб компьютер фирибгарлигини билиш мумкин?

• 
  Интернет билан боғлиқ фирибгарликларни аниқлаш учун масалан, қуйидагиларни хар ким билиши керак:
  
• 
  Tаклиф электрон почта орқали жуда кўп потенциал мижозларга келади;
  
• 
  Oлинган таклифда жўнатувчининг манзили йўқ ёки бўлса xам у фиктив;
  
• 
  Сизга кредит карточкангиз рақамини кўрсатишни сўрайдилар;
  
• 
  Сиздан пул жўнатишингизни сўрайдилар;
  
• 
  Mахсулот ёки хизматнинг асосий кўрсатгичлари ўрнига «бундан миллионлар фойдаланаяптилар ва жуда xурсандлар» каби антиқа маълумотлар жўнатилади;
  
• 
  Tаклиф жуда фойдали, қулай ва ақлга мувофиқ эмас.
  
• 
  

Интернет тармогидаги фирибгарликларнинг турлари
Интернетдаги кўпчилик фойдаланувчилар ундан ўзлари учун керакли бўлган маълумотларни қидирадилар, қизиқарли мусиқа ва фильмларни ёзиб оладилар, блогларда ёки турли чатларда ёзишмалар қиладилар, қизиқарли сайтларга кирадилар, электрон почтадан фойдаланадилар ва шуларга ўхшаш турли-туман ишларни амалга оширадилар. Лекин кунлардан бир куни улар жуда қисқа вақтда каттагина пул ишлаб олиш хақидаги таклиф билан тўқнаш келадилар. Ушбу таклиф шунчалик қизиқарли, ишонарли, чиройли ва фойдали қилиб тушунтириладики, интернетда ишловчи оддий (ва лақма) фуқаронинг унга ишонмасдан иложиси қолмайди. Озгина пул сарф қилиб, каттагина маблағ ишлаб олишга қизиқиш шунчалик бўладики, бу инсон кўрсатилган электрон (ёки почта ёхуд банк ҳисоб ракамига) манзилга талаб этилган пулни ўтказади ва чидам билан яхшигина даромад олишни кута бошлайди. Лекин афсуски, бу биродаримиз қанча кутгани билан орзу қилган пулини ололмайди, фирибгар эса унга ўхшаш бошқаларни ҳам чув тушира беради. Хозирги пайтда шунга ўхшаш фирибгарликлар интернет тизимида кенг миқёс олиб кетаяпти ва содда ҳамда ишонувчан инсонлардан пул олишнинг янгидан-янги усуллари кашф қилиниб, хаётга бемалол тадбиқ қилинаяпти. Бундай виртуал фазо фирибгарларининг жавобгарликка тортила олинмаслиги, уларнинг аноним равишда ишлаши ва ишонувчан инсонларнинг жуда ҳам кўплиги бундай «тадбиркорлик фаолияти» нинг ўзига хос ёқилғиси сифатида намоён бўлаяпти. Кўпчилик фойдаланувчилар интернетда ҳам худди реал хаётдагидек қонун ва қоидалар амал қилаётганлигини тушунмайдилар ёки тушунишни истамайдилар. Агар хаётда картадан ёки бирор турдаги қимордан катта ютуқ олиш мумкин эмаслигини кўпчилик билсада, улар интернетдаги худди шундай фаолият турларидан катта пул ишлаб олиш мумкин деб ўйлайдилар. Лекин шуни аниқ ва равшан килиб таъкидлаш мумкинки, «текин овқат фақат қопқондагина бўлади».