Referat mavzu: Huquq tizimi va huquqiy tizim Bajardi: Mustafoyeva Zohida Tekshirdi: Xo‘janazarov Azizjon

Toshkent davlat yuridik universiteti

REFERAT

MAVZU: Huquq tizimi va huquqiy tizim

Bajardi: Mustafoyeva Zohida

Tekshirdi: Xo‘janazarov Azizjon



REJA:

1. 
   Huquq tizimi va huquqiy tizim tushunchasi uning tarkibiy qismlari
   
2. 
   O’zbekiston Respublikasining huquqiy tizimi
   
3. 
   Xorijiy mamlakatlarning huquqiy tizimi.
   

XXI asrning boshlarida butun dunyoda jamiyat hayotining barcha sohalari bo’yicha jarayonlar tez sur’atlarda rivojlanib bormoqda. Dunyo xalqlari hozirgi kunda nafaqat iqtisodiyot sohasida, balki huquq, huquqni tushunish va huquqni qo’llash borasida ham keng hamkorlik qilishga intilmoqdalar.

Huquqiy voqeliklar talqiniga tizimli yondashuv o’tgan asrning o’rtalaridan boshlab vaqt o’tgani sayin sezilarli darajada faollashdi. Obyektiv huquqqa normalarning oddiy yig’indisi emas, balki yuridik normalarning mukammal tizimi sifatida qarash uning boy ichki olamini, ijtimoiy vazifasi va tabiatini teran anglash imkonini beradi. Boshqacha aytganda, huquqning tizimi, u bilan tartibga solinadigan ijtimoiy munosabatlarning mazmuniga, tabiati va ichki tizimiga bevosita bog’liq.

Huquq tizimi –bu huquqning botiniy tuzilishi, uning ichki arxitekturasi, tarkibi bo’lib u huquqning qanday qismlardan iborat ekanligi va qismlari o’rtasidagi munosabat, aloqadorlik va nisbatni ifodalaydi. Huquq tizimi obyektiv tabiatga ega. Buning ma’nosi shuki, mavjud ijtimoiy munosabatlar va ularning real manzarasi huquq tizimini belgilovchi omil hisoblanadi. Ma’lumki, har qanday huquq davlat tomonidan o’rnatilgan va bajarilishi hokimiyat vositalari bilan ta’minlanadigan normalar majmuidan iborat. Bu normalar majmui betartib tarzda jamlangan bo’lmay, balki uning qismlari o’zaro muvofiqlik, bog’liqlik, asosida birlashadi. Bu tizim bir paytda umumiylik va alohidalik mustaqillik va bog’liqlik, o’xshashlik va farqlanish xususiyatlariga ega hisoblanadi.

Huquq tizimi quyidagi xususiyatlarga ega: