Рецептура

D.t.d.N. 10 in ampullis
S. Ампула ичидаги препаратни бевосита ишлатишдан олдин тана ҳароратигача илитиб, 1 мл дан тери остига юборишга

Ампула ёки флаконларда чиқариладиган сочмасимон дори моддаларга рецепт ёзилганда, уларни эритиш тўғрисидаги кўрсатма сигнатурада берила- ди ва бир вақтнинг ўзида эритувчига ҳам алоҳида рецепт ёзилади.

Мисоллар:
1. td = 0,05 г бўлган кокарбоксилазанинг 10 та ампуласига рецепт ёзиб берилсин ва 0,05 г дан мушак орасига юбориш белгилансин. Ишлатилишидан бевосита олдин ампула ичидаги доривор модда 2 мл инъекция учун сувда эритилсин.
Rp.: Cocarboxylasi 0,05
D.t.d.N. 10 in ampullis
S. Ампула ичидаги сочмани 2 мл инъекция учун сувда эритиб, кунига бир маҳал м/о юборилсин
#
Rp.: Aquae pro injectionibus 2 ml
D.t.d.N. 10 in ampullis
S. Кокарбоксилазани эритиш учун
2. td = 500000 ТБ бўлган бензилпенициллиннинг натрийли тузидан 10 та флаконга рецепт ёзиб берилсин ва кунига 4 маҳал мушак орасига юбориш учун тавсия қилинсин. Бевосита ишлатишдан олдин 1 та флакон ичидаги препаратни 5 мл 0,5 % ли новокаин эритмасида эритилсин.
Rp.: Benzylpenicillini-natrii 500000 ТБ
D.t.d.N. 10
S. Битта флакон ичидаги препарат 5 мл 0,5 % ли новокаин эритмасида эритилиб, 500000 ТБ дан кунига 4 маҳал мушак орасига юборилсин. Синамадан сўнг!
#
Rp.: Solutionis Novocaini 0,5 % – 5 ml
D.t.d.N. 10 in ampullis
S. Бензилпенициллинни эритиш учун
Инъекция қилиш учун ишлатиладиган мойли суспензиялар асептик ша- роитларда тайёрланади ва флаконларда чиқарилади. Уларни ишлатишдан ол- дин тана ҳароратигача илитиб ва чайқатиб олиш керак. Дори моддасининг керакли миқдорини бевосита ишла- тишдан олдин асептик шароитда фла- кондан олиб парентерал йўл билан организмга юборилади.
Мисол: 100 мл бийохинол суспензиясига рецепт ёзиб берилсин ва 3 мл дан 3 кунда 1 марта мускул орасига юбориш буюрилсин.