Raymond Murphy Red (qizil) unit 1-50

UNIT 33. It... 
Ingliz tilida 3-shaxsdagi he/she/it so'zlaridan biri bo'lgan "it" (odamdan boshqa va jinsi noma'lum 
narsalarga qaratilgan "U" so'zi) juda ko'p holatlarda ishlatiladi. 
Vaqt haqida: 
What time is it? - Soat nechchi bo'ldi? 
It is half past ten - 10:30 bo'ldi. (Soat so'zi o'rnida it kelyapdi). 
Kun haqida: 
What day is it? - Qaysi kun (bugun)? 
It is Thursday today - Bugun payshanba. 
Masofa haqida: 
How far is it from London to Paris? - Londondan Parijgacha qancha masofa bor? 
Masofani so'rash uchun "How far" ishlatamiz, keyin "is it". 
Ob-havo haqida: 
It is raining - Yomg'ir yog'yapdi. 
Is it snowing? - Qor yog'yapdimi? (Savol berganda it is o'rni almashadi). 
It is a nice day today - Bugun kun yaxshi. 
"It is" bulardan boshqa sifat so'zlaridan oldin ham qo'yiladi: It is dark in this room - Bu xonaning 
ichi qorong'i. 
"There is" yoki "it is" (it's) qo'yilishidagi farq shuki, ko'rsatilayotgan so'z ega bo'lib kelsa "there 
is", sifat bo'lib kelsa "it is" qo'yiladi. 
Masalan: It is interesting - U qiziqarli. 
Bu gapda "there is" qo'yish noto'g'ri. 
There is a book on the table - Stolning ustida kitob bor. 
Bu gapda "it is" qo'yish noto'g'ri. 
UNIT 34. Harakat so'zlarini ishlatishdagi ba'zi farqlar 
Harakat so'zlaridan oldin qo'yiladigan 9 ta so'zni avval o'rganib chiqdik. Ularni takror sanab 
chiqamiz: 
Will - kelasi zamonda "moq" qo'shimchasi, barcha shaxs turlarida ishlatilaveradi. 
Shall - will so'zi o'rnida faqat 1-shaxsda ishlatiladi. 
Can - hozirgi va kelasi zamonda "qo'lidan kelmoq" so'zi. 

---

Could - "can" so'zining o'tgan zamon shakli.

May - hozirgi va kelasi zamonda "mumkin" so'zi.
Might - "may" so'zining o'tgan zamon shakli.
Must - shaxsiy fikrga ko'ra "shart" degan so'z. Hozirgi va kelasi zamon uchun.
Should - "afzal" so'zi.
Would - taklif qilish ma'nosidagi so'z.
Yuqoridagi so'zlardan so'ng hech qachon "to" qo'yilmaydi. "To" doim qo'yiladigan alohida
birikmalar bor, ular quyidagilar:
Had to - "must" so'zining o'tgan zamon shakli.
Going to - "moqchi" degan ma'noni anglatadi.
Have to - xohlasak ham, xohlamasak ham zarur bo'lgan, qat'iy belgilab qo'yilgan qoidani
bildirgan holda, "zarur" degan ma'noni anglatadi.
Has to - "have to" birikmasi o'rnida he/she/it uchun ishlatiladi.
Want to - xohlamoq, istamoq.
Would like to - xohlamoqning xushlamoq bilan birlashgan holati desak ham bo'ladi.
Present continius (davomiy hozirgi zamon) va past continius (davomiy o'tgan zamon) fe'llarida
harakat so'zlariga "ing" qo'shiladi, chunki gap davom etayotgan suratda aytilayotgan bo'ladi.
Yuqorida keltirgan 9 xil so'zimiz ishtirok etganda "To be" qo'yilmaydi, boshqalarida qo'yiladi.