Rasm joylashtirish

Fayllar bilan ishlash
Fayllarni ochish texnikasi Windows tizimida ishlaydigan boshqa dasturlardan farqi yo‘q. Buning uchun File > Open (Fayl >Otkrit) buyrug‘ini berish kerak.
Dreamweaver dasturi ochiladigan HTML sahifalarida sintaksis xatolarni tekshiradi. Dastur standart HTML gipermatnli belgilash tilida yozilgan barcha kengaytmali fayllarni ocha oladi. Ularga quyidagilar kiradi: HTM, HTML, ASP, CFM, CFML, TXT, .SHTM, SHTML, STM, LASSO, XML, CSS, PHP.
Fayllarni saqlash
Dreamweaver da fayllarni saqlash ham Windows tizimining boshqa standart dasturlaridagi singari amalga oshiriladi. Buning uchun menyu qatorining File menyusidagi: File > Save (Fayl > Soxranit) va File > Save as (Fayl > Soxranit kak) buyruqlarini berish kerak. Birinchi buyruqni CTRL+S tugmalar kombinatsiyasini bosish bilan ham bajarish mumkin. Bu buyruq shu nomdagi muloqot oynasini hosil qiladi. Oynaga foydalanuvchi tomonidan faylning nomi, tipi va joyi belgilanadi. Agar avval hujjatga nom berilgan bo‘lsa u holda avtomatik ravishda Save as (Soxranit kak) buyrug‘ining muloqot oynasi hosil bo‘ladi. Bu buyruqni CTRL+SHIFT+S tugmalar kombinatsiyasi yordamida ham bajarish mumkin.
Gipermatnli hujjatlar fayllari Windows operatsion tizimida .htm kengaytma oladi, Macintosh platformasida esa .html kengaytma oladi. Ammo bu kengaytmadagi fayllarni dasturlarda ochish va saqlash buyruqlari bajarilishi teng kuchli. Dasturda ochilishi mumkin bo‘lgan barcha tipdagi fayllar, xuddi shu dasturda saqlanadi ham.