Ращим щасанов

Слайд–диапозитив, фотоплёнкага туширилган суврат тасвири.
Совуқ ранглар–яшил, зангори, бинафша рангларни шундай деб аталади.
Соя–нарсаларнинг ёруғлик тушмайдиган қисмида ҳосил бўлган кўриниши. Сояларнинг икки хили бўлади. Улар шахсий соя ва тушувчи соялардир.
Соус-қалам шаклидаги рассомнинг иш қуроли. У ёғочсиз бир рангда бўлиб, ўлчови 4-5 см.дан ошмайди. Соусдан рассомлар кўпроқ хомаки ишлар жараёнида фойдаланадилар.
Стек–хайкалтарошлик асбоби. Улар ёғоч ёки пластмасса материаллардан тайёрланади. Стекларни турли шакл ва ўлчовдагилари бўлади. Лой ва пластилин билан хайкал ишлашда қўлланилади.
Супермуқова–китоб бадиий безагида ишлатиладиган қоғозга ишланган тасвир. Улар безакли ва рангли ҳолда китобларни ташқи таъсирдан сақлаш мақсадида китоб устига кийдирилади. Супермуқовани сармуқова ҳам дейишади.
Суврат–юксак бадиий савияда ишланган рангтасвир ёки график тасвир.
Сфинкс-қадимги Миср хайкалтарошлигида учрайдиган танаси шер боши одам тасвири.
Сюреализм-француз тилидан олинган бўлиб, ўта реализм маъносини англатади ва у Францияда ХХ асрда санъатда пайдо бўлган. Бу оқим вакиллари авангардлик йўналишдаги санъатда ақл-заковат, мантиқ, ҳар қандай табиий-эстетик ва аҳлоқий ҳиссиётларни тасвирлашга қарши чиқадилар. Улар ўз асарларида ақлий фаолиятдаги, жамият ҳаётидаги шаклланган тизимни тубдан ўзгартиришга ҳаракат қилганлар.
Сюреализм вакиллари ижодкор онгига илк бор келиб қолган сўз, фикр, турли-туман тасаввурларнинг дастлабки, кутилмаган холатдаги шакли асарнинг асоси бўлиши лозим деб ҳисоблаганлар.


Т
Тарихий жанр–тарихий воқеаларни тасвирловчи тасвирий санъат жанри.
Тасвирий санъат–борлиқда мавжуд ва мавжуд бўлмаган мавжудот, нарса ва ходисаларни тасвирловчи санъат тури.
Темпера-италянлар тилидан олинган бўлиб, бўёқ қориштириш маъносини англатади. Бу бўёқ сув билан эритиб ишлатилади. У кўпроқ биноларни безагида, рангтасвир ишларда кенг қўлланилади. Таркибида махсус моддалар бўлганлиги сабабли қуёш ва ёруғлик таъсирида ўз рангини ўзгартирмайди, узоқ вақтгача ўз тусини сақлаб қолади.