Ращим щасанов

Рассом–рангтасвир ва графика турида ижод қилувчи мутахассис.
Ранглар тони-бу уларнинг оч-тўқлиги даражасини англатади. Ранглар тони бўёқларнинг таркибидаги эритманинг оз ёки кўплигига қараб белгиланади. Тўқ ранглар қора, зангори, бинафша бўлса оч ранглар оқ, пути, хаворанг бўладилар.
Ранг туси-бу биргина рангни бир неча даражасидаги бир-биридан фарқ қилувчи сифатларидир. Масалан қизил, сариқ, яшил, зангори кабилар ранг туси ҳисобланади. қизил рангни қирмизи, пушти, лоларўй, гулгун каби туслари ҳам бор. Ёки зангори рангнинг хаворанг, мовий, ложувард туслари бўлади.
Ранг тўйимлилиги-бўёқларни ёрқинлигини билдиради. қоришмада кул ранг қанчалику кам бўлса, у шунчалик тўйимли ва ёрқин, аксинча кўп бўлса шунчалик тўйинмаган бўлади.
Ранглар спектри-спектр сўзи лотин тилидан олинган бўлиб, тасаввур маъносини англатади. Спектрни бошқа турлари каби оптик тури ҳам бор. Оптик спектрда оддий қуёш нурини линзадан ўтказилганда ойна уни турли қизил, сариқ, зангори, яшил в.б. рангларга ажратиб беради. Бу ходисани ранглар спектри деб аталади. Ранглар спектрини табиатда ёмғидан сўнгги осмонда пайдо бўладиган ранглар камалагида ҳам кўриш мумкин.
Рангшунослик-ҳаётда ва санъатда рангларнинг кишилар кайфиятига, уларни хис-туйғулларига таъсирини ўрганадиган фан. Рангшунослик саноат, медицина муаммолари билан ҳам шуғулланади. Тасвирий санъатда рангшунослик фани ранглар ёрдамида тасвирий образлар яратиш, унинг ифодалилигини ошириш масалаларини ечишга ҳаракат қилади.
Ранг (ҳаво) перспективаси-реал борлиқдаги нарса ва ходисаларнинг киши кўзидан узоқлашган сари уларнинг рангларида рўй берадиган ходиса ўзгаришидир. Бунда уларнинг ранглари хаво, чанг, туман таъсирида ўз тусини йўқотадилар.
Ранглар гармонияси-гармония сўзи юнон тилидан олинган бўлиб, боғланиш, мутаносиблик маъносини англатади. Рангтасвир сувратларда ишлатилган турли ранлар бир-бири билан боғланса, ҳамоханг бўлсалар улар ранглар гармонияни ташкил этадилар. Аксинча улар бир-бирларини инкор этсалар, бир-бирлари билан боғланмасалар дисгармонияни келтириб чиқарадилар.