Raqamli iqtisodiyot va tadbirkorlik

Oliy ta’lim boshqaruv organi O‘zbekiston Respublikasi Oliy va O‘rta Maxsus Ta’lim Vazirligi hisoblanadi.

Oliy va O‘rta Maxsus Ta’lim Vazirligiga, tarkibida oliy ta’lim muassasalari mavjud bo‘lgan vazirliklar va boshqarmalar bilan birgalikda quyidagi vazifalar yuklatiladi:

• 
  bakalavr yo‘nalishlari va magistratura mutaxassisliklari uchun davlat ta’lim standartlarini, o‘quv reja va o‘quv fanlari dasturlarni ishlab chiqish, tasdiqlash va bosqichma-boqich kiritib borish, hamda respublika oliy ta’lim muassasalarini ular bilan ta’minlash;
  
• 
  oliy ta’lim yo‘nalish va mutaxassislik klassifikatoriga zarur bo‘lganda O‘zbekiston Respublikasi vazirlar Mahkamasi bilan kelishilgan holda o‘zgartirishlar va qo‘shimchalar kiritish;
  
• 
  oliy ta’lim muassasasi faoliyatining normativ-huquqiy ta’minotini ishlab chiqish va o‘quv-tarbiyaviy jarayonni tashkil qilish;
  
• 
  O‘zbekiston Respublikasi oliy ta’lim muassasalari o‘quv-uslubiy boshqaruvini amalga oshirish;
  
• 
  oliy va o‘rta maxsus kasb xunar ta’limi kadrlarini tayerlash, qayta tayerlash va malakasini oshirish masalalarini muvoqlashtirish;
  
• 
  Ta’lim, fan va ishlab chiqarishning normativ-uslubiy integratsiyasini ta’minlash.
  

Oliy ta’lim sifatini boshqarishning ijtimoiy shaklarini rivojlantirish maqsadida oliy ta’lim muassasalarining rektorlar kengashi tashkil qilingan bo‘lib, uning faoliyati belgilangan nizom bilan tartibga solinadi.

Oliy ta’lim muassasalarining boshqaruvi O‘zbekiston Respublikasi qonunchiligi va mazkur nizom asosida amalga oshiriladi.

Oliy ta’lim muassasining bevosita boshqaruvi rektor tomonidan amalga oshiriladi. Davlat oliy ta’lim muassasasi rektori O‘zbekiston Respublikasi Vazirlar Mahkamasi tomonidan, nodavlat oliy ta’lim muassasalari rektorlari ta’sischilar tomonidan tayinlanadi.

Oliy ta’lim muassasasining ish natijalari uchun to‘liq javobgarlik rektor zimmasida turadi. O‘zbekiston Respublikasi qonunchiligiga va oliy ta’lim muassasa Nizomiga ko‘ra, rektor oliy ta’lim muassasasi nomidan barcha organ va tashkilotlarda faoliyat yuritadi, mol-mulkka belgilangan tartibda egalik qiladi, shartnomalar tuzadi, ishonchnomalarni taqdim etadi, bankda oliy ta’lim muassasasining hisob raqamini ochadi va kreditlar boshqaruvchisi hisoblanadi.

Oliy ta’limning davlat ta’lim standartlarini amalga oshirilishining aloxida javobgarligi rektor zimmasiga yuklatilgan.