Ражабов Зайниддин

Mavzuning о‘rganilganlik darajasi.
Istiqloldan keyingi o‘zbek she’riyati 
sifat jihatidan yangi bosqichga ko‘tarildi. Xususan, nisbatan ijodiy erkinlik
darajasi, milliy qadriyatlarimizning qayta tiklanishi, mafkuraviy yakka hokimlik 
asoratlarini bir qadar cheklab qo‘ydi, badiiy izlanishlarning falsafiy-intellektual 
saviyasini oshirdi hamda shakliy-uslubiy, mazmuniy miqyoslarini yanada boyitdi. 
Ajdodlarimizning boy ilmiy va adabiy merosi ham ma’naviy-axloqiy, ham
ma’rifiy tomondan o‘z ta’sirini o‘tkaza boshladi. Jumladan, A.Oripov she’riyatida 
1
Karimov I. Bizdan ozod va obod Vatan qolsin. –T.: O’zbekiston, 1996. 260-bet.
2
Karimov I. Bizdan ozod va obod Vatan qolsin. –T.: O’zbekiston, 1996. 189-bet.

---

5 
diniy g‘oyalarning xalqona ohang kasb etishi, J.Kamol, S.Sayid, E.Shukur, 
F.Afro‘z izlanishlarida tasavvufiy aqidalarga moyillikning ortishi M.Abdulhakim 
ijodida bedilona ifodaning shakllanishi Faxriyor talqinlarida rumiyona
falsafiylikning kuchayib borayotganligi ko‘zga tashlanadi. Xullas, zamonaviy 
o‘zbek she’riyati yangi xususiyatlariga ega bo‘ldi va bu xususiyatlar qator 
tadqiqotlarning 
yaratilishiga sabab bo‘ldi. Istiqlol adabiyoti bugungi 
adabiyotshunoslik adabiy tanqidchiligining eng dolzarb, eng ommabop mavzusi 
bo‘lganligi sababli o‘zbek adabiyotshunosligida mustaqillik she’riyatining bir 
qator o‘ziga xos tomonlarini ilmiy-nazariy jihatdan o‘rganuvchi fundamental 
tadqiqotlar yaratilgan. Adabiy tanqidning nazariy masalalariga bag‘ishlangan 
monografiya va tadqiqotlar, o‘quv-qo‘llanmalari, realistik adabiyot va adabiy 
jarayon, tanqidchilikning hayotga ta’siri masalalarini o‘rganuvchi to‘plam va 
maqolalarda ushbu mavzuda atroflicha fikr-mulohazalar bildirildi. Jumladan, 
P.Qodirov, O.Sharafiddinov, I.Haqqul, M.Qo‘shjonov, U.Normatov, B.Nazarov, 
B.Imomov, D.Quronov, U.Hamdamov, H.Karimov kabi adabiyotshunoslarning 
yangi o‘zbek she’riyati masalalariga bag‘ishlangan qator maqolalari, darslik va 
qo‘llanmalari e’lon qilindi. 
Biroq, Istiqlol davri she’riyatini o‘qitishda interaktiv metodlardan 
foydalanish alohida tadqiqot obyekti bo‘lmagan. Biz BMIda istiqlol davri 
she’riyatini interaktiv metodlar vositasida o‘rganishni maqsad qildik.