Ражабов Зайниддин

III BOB. ISHNING AMALIYOTGA TATBIQI
3.1. Tajriba-sinov natijalari 
Pedagoglarimiz doimo ma’naviy boy bo‘lishga intilib kelganlar. Chunki 
ma’naviyat shunday bir ummonki, har bir pedagog undan kuch-qudrat olib, 
ilhomlanib, tafakkur imkoniyatlarini ijodiy boyitishi mumkin. Vatanni sevish, 
millatidan g‘ururlanish, ma’naviy merosimizni chuqur o‘rganish va o‘rgatishda 
pedagoglarimiz “Mening tajriba va malakalarim, o‘z kasbimga bo‘lgan 
munosabatim qay darajada?”, “Hozirgi ta’lim talablariga javob bera oladigan 
mukammal bilim va salohiyatga egamanmi?” kabi savollar atrofida mushohada 
yuritishi zarur. Borliqni, o‘ta murakkab hamda tez o‘zgaruvchan hayotni yaxlit bir 
tizim sifatida o‘rganish, ro‘y berayotgan voqea va hodisalar o‘rtasidagi o‘zaro 
bog‘liqlikni tushunish, o‘tmish, hozirgi davr va kelajakning bir-biriga ta’sirini 
anglashda nostandart vaziyatlarda ham eng maqbul va orginal qarorlar qabul eta 
oladigan yosh avlodni tarbiyalash mas’uliyati har bir pedagogning zimmasidadir. 
Bunday ta’lim-tarbiya yo‘sinini yo‘lga qo‘yishda, albatta, pedagogik mahorat va 
kasbiy madaniyatga ega bo‘lish zarur. 
Maktab ta’limida namunali pedagogik mahoratga ega o‘qituvchilarimizning 
darslarini zamonaviy pedagogik texnologiyalar, ta’limiy o‘yinlar va AKTdan 
foydalanib tashkil qilishlari tahsinga loyiq. Istiqlol davri she’riyatini o‘qitishda 
interaktiv 
metodlardan 
foydalanish
 
mavzusi 
yuzasidan 
tajriba-sinov 
materiallarining tavsifi pedagogika amaliyotda orttirilgan bilim, ko‘nikmaga uzviy 
bog‘liq. 
Men pedagogik amaliyot davomida TTYSI qoshidagi akademik litseyida o‘z 
kasbini mohir ustalari, ijodkor o‘qituchilarning darslarini kuzatdim, ularning 
nazorati ostida dars o‘tdim. Jumladan, oliy toifali o‘qtuvchi, Xalq ta’limi a’lochisi 
Qurbonova Sevinch, Abduraimov Shohruh va Yoqubova Sevara kabi ustozlarning 
bevosita rahbarligidagi o‘n bir hafta men uchun katta tajriba maktabi bo‘ldi. 
Pedagogik amaliyot davomida men bitiruv malakaviy ishim bo‘yicha bir 
qator tajriba-sinov ishlarini amalga oshirdim. Unda o‘quvchilarni ijodiy fikrlashga 

---

55 
o‘rgatishga oid bir qator vazifalar yuzasidan II, III kurs o‘quvchilarga adabiyot 
fanidan dars o‘tdim. 
Dars jarayonida multimediya vositalari ishlatildi. Jumladan, mavzuga oid 
video lavhalar, audіo materiallardan unumli foydalanildi. 
1.
Darslarda muammoli ta’lim metodlaridan, muammoli vaziyatlardan 
foydalandim. 
2.
Adabiyot darslarini boshqa fanlar bilan bog‘lab o‘tishga harakat qildim. 
Adabiyot darslarini esa musiqa, rasm darslari bilan integratsiyalashga 
harakat qildim. Masalan, “Abdulla Oripov hayoti va ijodi. She’rlari 
tahlili” mavzusida o‘tgan ochiq darsimda shoirning she’ri o‘quvchilar 
tomonidan ijro etildi. 
3.
Adabiyot darslarida “
Eshitib tahlil qil
” metodi o‘quvchilarga juda manzur 
bo‘ldi. Men bu metodni ham yozma, ham audio shakllarda o‘tkazdim. 
“7f- 16” guruhda ushbu metod qatorlar bo‘ylab o‘tkazildi. Har bir 
qatorning birinchi partasiga shoir she’rlaridan namunalar qo’yildi va bu 
namunalar har bir o‘quvchilar tomonidan o‘qib berildi va xulosalandi. 
Dars jarayonida har bir o‘quvchining fikriga alohida e’tibor qaratishga 
harakat qildim. U juda sodda fikr bo‘lsa ham uni eshitishga, 
rag‘batlantirishga harakat qildim. 
4.
Amaliyot davomida o‘zim dars o‘tayotgan guruhlarda Muhammad 
Yusufning tavallud kuni munosabati bilan ijodiy insholar tanlovini 
o‘tkazdim. 
Tajriba-sinov ishlarini olib borish uchun akademik litsey adabiyot darsliklari 
materiallarini o‘tish yuzasidan dars ishlanmalari (tavsiyalar) tayyorlandi.