Радиоэлектроника асослари муҳаррир — Қ. Азимов

4.14. Квадратик детекторлаш


Квадратик детекторлашни ўрганишда юқори часто­тали тебраниш амплитудаси кичик бўлгани учун (4.2) полиномнинг квадратик ҳади билан чегараланиш мумкнн. У ҳолда (4.35) ифода детекторлаш эффекти бўлиб ҳисобланади. Агар U_mни (4.14) амплитудавий модуляцияланган тебранишнинг амплитудаси деб қарасак, у қуйидагича ифодаланади:
(4.36)
Бу ифодадаги a₂U²sinΩt катталик фойдали тебраниш хисобланади. У детектор нагрузкасидан ажратиб оли- ниши керак. Лекин 2Ω частотали ташкил этувчи ҳам паст частотали тебраниш бўлгани учун у ҳам нагрузкада ажралади ва фойдали сигнални бузади. Бу бузилиш чизиқли бўлмаган бузилиш бўлиб, (4.10) ифода орқали аниқланади. Шунга кўра квадратик детекторлашда чизиқли бўлмаган бузилиш
(4.37)
бўлади. Бу ҳол чизиқли бўлмаган бузилишлар коэф- фициентининг М модуляция чуқурлиги коэффици- ентига боғлиқ бўлишини кўрсатади ва детекторга юз фоизли модуляцияга эга тебраниш (М=I) таъсир этганда у 25 фоизни ташкил этади.
Модуляцияланган тебранишнинг мураккаблиги ор- тиши билан, детектордаги чизиқли бўлмаган бузилиш­лар ҳам ортиб боради. Масалан, детекторга Ω₁ ва Ω₂ частотали иккита гармоник тебраниш орқали модуля­цияланган тебраниш:
U(t)=U₀[1+ Msin Ω₁t + M₂sinΩ₂t]·sinω₀t (4.38)
таъсир этса, детекторлаш эффекти қуйидагича ифодаланади:

(4.39)
Унда Ω₁, Ω₂ 2 Ω₁ ва 2 Ω₂ частотали ташкил этувчи- лардан ташқари яна Ω₂± Ω₁ комбинацион частотали ташкил этувчилар ҳам мавжуд. Уларнинг амплитудаси иккиланган частотали ташкил этувчилар амп- литудасидан катта. Жумладан, М₁=М₂=М бўлса, у икки баробар катта булади. Шунинг учун комбинациоп частотали ташкил этувчилар детектордаги чизиқли бўлмаган бузилишларга иккилан­ган частотали ташкил этувчилардан кўра кўпроқ ҳисса қўшади.
Детекторлаш эффектини ажратиб олиш учун детек­торнинг нагрузкаси етарлича катта ўтказиш соҳасига эга бўлиши керак. Лекин ўтказиш соҳасининг ҳаддан ташқари кенг бўлиши зарарли тебранишларнинг ҳам нагрузкада ажралиб чиқишига сабаб бўлади. Шунинг учун детекторларда нагрузка сифатида боғланган теб­ранишконтурларидан фойдаланилади. Чунки уларнинг ўтказиш соҳаси тўғри тўртбурчак шаклига яқин бўлади. Агар зарарли тебранишлар оз бўлса, фойдали тебранишни фильтрлаш нагрузка резисторига параллель уланган конденсатор ёрдамида амалга оширилади (4.23 расм).