Работа выполнена в Открытом акционерном обществе Института геологии и разведки нефтяных и газовых месторождений «ИГиРНиГМ»

Тадқиқотнинг илмий янгилиги
қуйидагилардан иборат
: 
палеозой ётқизиқларининг блокли-узилмали тузилиши аниқланган; 
чуқур бурғиланган қудуқлар ва геофизик тадқиқотлар натижалари 
бўйича палеозой ётқизиқларининг геологик тузилиш хусусиятлари ҳамда 
жойлашиш шароитлари аниқланган; 
гетероген (генезиси, моддий таркиби, ёши бўйича) ётқизиқлардан 
иборат ҳамда чўкинди тўпланишидаги узоқ континентал танаффус ва 
тектогенезнинг барча босқичларида жадал бурмаланиш натижасида 
шаклланган палеозой ётқизиқлари юзасининг кескин дифференциал табиати 
аниқланган; 
Бухоро-Хива региони палеозой ётқизиқларининг структуравий-
морфологик схемаси ишлаб чиқилган; 
Бухоро-Хива региони палеозой эраси комплекси жинсларининг юқори 
қисмининг жойлашиш схемаси ишлаб чиқилган; 
Ғарбий Сибир платформасининг Нюрол ботиқлигини Турон 
платформасининг Бухоро-Хива региони билан солиштириш асосида 
уларнинг геологик тузилиши, ривожланиш тарихи, палеозой эраси жинслари 
мажмуаси юзасининг тузилишида ва бошқа характерли белгиларида умумий 
ўхшашлик мавжудлиги исботланган; 
нефтгазлилик истиқболларини баҳолашда геологик-геофизик ва 
геокимёвий мезонларнинг хусусиятлари ишлаб чиқилган бўлиб, ушбу 

---

10 
мезонлар асосида Бухоро-Хива регионида палеозой эраси ётқизиқларининг 
нефть-газга истиқболлилиги асосланган. 
Тадқиқотнинг амалий натижалари.
Қоравулбозор, Кулбешқоқ, Муборак ва Кўкдумалоқ майдонларидаги
параметрик қудуқларни бурғилаш натижасида палеозой эраси жинсларининг 
моддий таркиби ва ёши аниқланган, коллектор-жинслар ва қопқоқ-жинслар 
мавжудлиги 
аниқланган, 
уларнинг 
филтрация-сиғим 
хусусиятлари 
ўрганилган, палеозой ҳосилаларининг геологик тузилиши ва ётиш 
шароитлари аниқланган;
Бухоро-Хива региони палеозой ётқизиқларининг нефтгазга истиқболи 
асосланди, бу эса нефт ва газ уюмларини қидиришнинг стратиграфик 
диапазонини кенгайтириш ва углеводород хом ашё базасини орттириш 
имконияти яратилган; 
Бухоро-Хива регионида углеводородлар тўпланишига истиқболли 
объектларини излаш мақсадида палеозой ётқизиқларини ўрганиш бўйича 
устувор йўналишлар аниқланган ва ишлаб чиқилган.