Рақамли илмий кенгаш гулистон давлат университети хайров расим золимхон ўҒЛИ

Тадқиқотнинг амалий натижалари қуйидагилардан иборат: тасвирий санъат дарсларини ташкил қилишда индивидуал ёндашув
технологиясининг функционал тузилмаси “Муваффақият қозониш” ҳолати асосида бадиий таълим жараёнини лойиҳалаш ва мақсадини белгилаш босқичларининг ташқи ва ички омиллар таъсирида амалга оширилиш мазмуни кўрсатиб берилган;
ўқувчиларга индивидуал ёндашув технологияси бўйича ўқув дастурларини амалиётга тадбиқ этишнинг энг самарали ечими сифатида, ҳар бир ўқувчининг ҳам ўзига хос чизиш услуби “Рассом ҳуснихати” механизмларидан самарали фойдаланиш имкониятлари аниқланган ва ўқувчиларнинг ижодий қобилиятларининг ошишига хизмат қилган; ўқувчиларнинг тасвирий саводхонлигини ривожлантиришда қобилият, лаёқат ва қизиқишларига мос келадиган топшириқлар тизими ҳамда индивидуал ёндашув технологияси такомиллаштирилган.
Тадқиқот натижаларининг ишончлилиги амалга оширилган ёндашувлар ва методлар, қўлланган расмий манбалардан олинган назарий ва амалий маълумотлар, аналитик ва экспериментал ишланмалар самарадорлиги математик статистика усуллари ёрдамида асосланганлиги, амалиётга тадбиқ этилганлиги, шунингдек, олинган натижаларнинг ваколатли тузилмалар томонидан тасдиқланганлиги билан изоҳланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти шундан иборатки, тасвирий санъат дарсларида ўқувчиларга индивидуал ёндашувнинг илмий-методик асослари такомиллаштирилган. Шунингдек, умумий ўрта таълим мактаблари контекстида ўқувчиларга индивидуал ёндашув технологиясини амалга оширишга оид методик тавсияномалар тайёрланганлиги билан белгиланади.
Тадқиқотнинг амалий аҳамияти индивидуал ёндашувнинг ўзига хос тузилиши, ўқитувчининг индивидуал ёндашув хусусидаги тасаввурлари, педагогик малакалари, тасвирий санъат дарсларида индивидуал ёндашувдан фойдаланиш имконияти, индивидуал ёндашувнинг ўзига хос хусусиятлари дидактик жиҳатдан асосланган. “ўқув топшириқлари” ва “индивидуал ёндашув” ўртасидаги алоқадорлик ҳамда уларнинг таълимга тадбиқ этилиши, ўқувчиларга индивидуал ёндашишга оид дидактик шарт-шароитларни такомилаштиришга доир илмий-методик тавсиялардан тасвирий санъат ўқитувчиларини тайёрлаш, қайта тайёрлаш ва малакасини оширишда фойдаланиш мумкин.