R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

1. Ariza yozish tartibi

__________(qayerga)

___________ (kimga)

__________(kimdan)

Ariza

__Meni (menga)_______________________________________________

_______________ariza matni __________________________________

___________________________________________________so‘rayman.

Sana imzo I.O.Familiyasi.

Eslab qoling:

Ariza muayyan muassasa yoki mansabdor shaxs nomiga biror iltimos, taklif yoki shikoyat mazmunida yoziladigan rasmiy hujjat sanaladi. Ish yuritishda faol qo‘llanadigan rasmiy hujjat ham arizadir.

Arizalar mazmuni, uslubi, hajmiga ko‘ra turlicha bo‘ladi. Chunki o‘quvchi yoki talabaning turli masalalar yuzasidan ta'lim muassasasi rahbariga yozadigan arizalardan tortib ishchi xizmatchining, fuqarolarning korxona boshlig‘i, hokimlargacha yozadigan arizalari bir biridan farq qiladi. Bundan qat'iy nazar har qanday arizada quyidagi zaruriy qismlar ifodalanishi lozim:

- ariza yo‘llanadigan muassasa nomi yoki rahbarning vazifasi, unvoni, ismi, ota ismi va familiyasi

- ariza yozuvchining turar joyi yoki vazifasi, ismi, ota ismi va familiyasi

- xujjat nomi (Ariza)

- ariza matni (iltimos, taklif yoki shikoyat)

- zarur bo‘lgan holatda ilova qilinadigan hujjatlar nomi.

- qog‘ozning chap tomonida ariza yozilgan vaqt (yil, kun va oy)

- qog‘ozning o‘ng tomonida ariza yozuvchining imzosi, ismi va ota ismining bosh harflari, familiyasi.