R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

42-DARS

Ishonchnoma.Tilxat, Tushuntirish xati.
REJA:

1.Rasmiy va shaxsiy ishonchnomalar. Tushuntirish xatining turlari

2. Tilxat matnini tuzish. Tushuntirish xati yozish
Tayanch so‘zlar:tarjima, tavsiya, tavsif, tahlil, bayon, rasmiy, idoraviy, tashkilot, zavod, fabrika, hujjat, kadr, sifat, axloq, muomala, jarayon, tuman, mahalla
Bilib oling!

Ishonchnoma yozish tartibi:
Ishonchnoma
Men, TKTI OOMT fakultetining 1-kurs talabasi Yunusov Alisher noyabr oyi uchun stipendiyamni olishga ukam Yunusov Akmalga ishonch bildiraman (passport ma’lumotlari …).
18.11.2009. imzo Yunusov A.
Eslab qoling:

Ishonchnoma muayyan muassasa yoki ayrim shaxs nomidan ikkinchi bir shaxsga uning nomidan ish ko‘rish uchun yozma ravishda ishonch bildirilgan vakolatli hujjat sanaladi.

Mazmuni va vakolat egasiga ko‘ra xizmat ishonchnomasi va shaxsiy ishonchnomalar farqlanadi.

Xizmat ishonchnomalari davlat idoralari, jamoat tashkilotlari tomonidan mazkur idoraning mansabdor shaxsiga uning shu idora tomonidan ish yuritishga vakil etilganligini tasdiqlash uchun beriladi. Bunday ishonchnoma idora rahbari tomonidan imzolanadi va tasdiqlanadi, shuningdek, amal qilish muddati ko‘rsatiladi.

Shaxsiy ishonchnomalar ayrim shaxslar tomonidan o‘ziga tegishli pul yoki qimmatbaho narsalarni borib olish uchun ishongan kishisiga ishonch bildirib yozgan hujjatidir. Bunday ishonchnoma vakolat beruvchining ish joyi (ishlamagan taqdirda mahalla qo‘mitasi) tomonidan muhr bilan tasdiqlanishi lozim.

1-topshiriq. Matnda tushirib qoldirilgan qo‘shimchalarni to‘Qri topib qo‘ying va shaxsiy ishonchnoma namunasini daftaringizga ko‘chiring.