R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

15-DARS

O‘zbekiston va jahon

REJA:

1. 
   Xalqaro tashkilotlar haqida ma’lumot
   
2. 
   Rasmiy-diplomatik uslub va uning xususiyatlari
   

Tayanch so‘zlar:tashkilot,bitim, sessiya, yig‘ilish, konferensiya, sammit, xalqaro, munozara, global, muammo, hamkorlik, tinchlik, tahdid
1-topshiriq. Matnni o‘qing va muhim sanalarni qayd eting?

YUNESKO tashkiloti

YUNESKO - Birlashgan Millatlar Tashkilotining maorif, fan va madaniyat masalalari bilan shug‘ullanuvchi tashkiloti Davlatlar o‘rtasida maorif, fan, madaniyat va kommunikatsiyalar sohasidahamkorlikni rivojlantirish yo‘li bilan tinchlikka va xalqaro xavfsizlikka ko‘maklashish maqsadida 1946-y. tuzilgan. 188 mamlakat a'zosi bor, shu jumladan, O‘zbekiston Respublikasi 1993-yil 26-oktyabrdan beri tashkilotning a'zosi hisoblanadi) 400 ga yaqin xalqaro nohukumat tashkilotlar va jamg‘armalar, xalqaro va hududiy birlashmalar YUNESKO bilan hamkorlik qiladi. YUNESKO byudjeti a'zo-mamlakatlar badallaridan tashkil topadi.

Tashkilot faoliyatining asosiy yo‘nalishlari yalpi savodsizlikka qarshi kurash, maorif tizimi va kadrlar tayyorlashni rivojlantirish, mil­liy madaniyatlarni o‘rganish va tarqatish, atrof muhitni va madaniy yodgorliklarni muhofaza qilish, oke­anografiya, geologiya, gidrologiya, sotsi­ologiya, kommunikatsiya va boshqa sohalarda global ilmiy muammolarni hal etishda hamkorlik qilishdan iborat. Axborot va informatika - kommuni­katsiya masalalari uning faoliyatida katta o‘rin egallaydi. Tashkilotga a'zo mamlakatlarda YUNESKO ishlari bo‘yicha Milliy komissiyalar tuzil­gan. YUNESKO ana shu komissiyalarga tayanib ish olib boradi. O‘zbekiston Respublikasining YUNESKO ishla­ri bo‘yicha Milliy komissiyasi 1994-y. 29-dekabrdada tashkil etilgan bo‘lib, uning tarkibi O‘zbekistan Respubli­kasi Vazirlar Mahkamasi tomonidan tasdiqlangan.

Tashkilot qarorgohi Parijda, boshchilik qiluvchi Kotibiyat ham shu yerda joylashgan. Tashkilot 50 dan ortiq axborotnoma va 20 dan ortiq davriy nashrlar chiqaradi.

YUNESKO O‘zbekistonning Kadrlar tayyorlash milliy dasturini amalga oshirishiga bevosita yordam ko‘rsatish maqsadida bir qator oliy o‘quv yurtlarida, jumladan, Toshkent islom universitetida YUNESKO kafedralari, shuningdek, YUNESKO maktablari tash­kil etgan. YUNESKO doirasida buyuk allomalarimizning yubileylari tantanali nishonlangan.

O‘zbekiston Respublikasi birinchi Prezidenti I.Karimov insoniy ideallarni e'zozlagani, ma­daniy qadriyatlarni tiklash va saqlashdagi, ilmiy merosni o‘rganishdagi xizmatlari uchun YUNESKOning Abu Ali ibn Sino nomidagi oltin meda­li bilan mukofotlangan (1998).