R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

39-DARS

Tashkiliy hujjatlar va ularning turlari

REJA:

1. 
   Tashkiliy hujjatlarning vazifasi. Tashkiliy hujjatlarning turlari
   
2. 
   Shartnoma, Mehnat shartnomasi, Nizom, Yo‘riqnoma
   

Tayanch so‘zlar:hujjat, shartnoma, nizom, yo‘riqnoma, mehnat, me’yor, iqtisod, siyosat, ijtimoiy, hisobot, bayon, yig‘ilish, muzokara
1-topshiriq. Biror tashkiliy hujjatlardan namuna yozing va tushuntirib bering?

Bilib oling:

Tashkiliy boshqaruv hujjati – ma’muriy va tashkiliy masalalar, shuningdek hokimiyat organlari, muassasalar, tashkilotlar, ularning bo’linmalari va mansabdor shaxslarning faoliyatini boshqarish, o’zaro ishlashi, ta’minlash va tartibga solish masalalarining qarorini qayd etadigan yozma hujjat turi.

Rasmiy hujjat – yuridik yoki jismoniy shaxs tomonidan tuzilgan,belgilangan tartibda rasmiylashtirilgan va tasdiqlangan hujjat. Hujjat rezolyusiyasi – mansabdor shaxs tomonidan yozilgan va u tomonidan qabul qilingan qarorni o’z ichiga olgan hujjatdagi yozuvdan iborat rekvizit. Hujjat rekviziti – rasmiy hujjatni rasmiylashtirishning majburiy elementi. Nizom – butun xo’jalik yurituvchi subekt yoki uning tarkibiy bo’linmasi (xizmat)ni tashkil qilish tartibi, vazifalari, huquqlari, majburiyatlari va ishni tashkil etishni belgilaydigan normativ-huquqiy hujjat. Yo’riqnoma – muassasalar, tashkilotlar, korxonalar (ularning bo’linmalari va xizmatlari), mansabdor shaxslar va fuqarolarning faoliyatining tashkiliy, ilmiy-texnik, texnologik, moliyaviy va boshqa maxsus tomonlarni tartibga soluvchi qoidalarni o’rnatish maqsadida chiqariladigan yoki tasdiqlanadigan normativ-huquqiy hujjat.

Mavzu bo‘yicha savollar:

1. 
   Tashkiliy hujjatlarning turlari haqida nimalar bilasiz?
   
2. 
   Shartnoma hujjat turini yozilish tartibini tushuntirib bering?
   

Adabiyot:

1. 
   Karimov I.А. Yuksak ma’naviyat – yеngilmas kuch. - Tоshkеnt: Mа’nаviyat, 2008. – 176
   
2. 
   Asilova G. Bojxona tizimida me'yoriy hujjatlami yuritish (rus guruhlari uchun o‘quv qo‘llanma). Toshkent, 2016. 176 h.
   

Mustaqil ish topshiriqlari:

1. 
   Shartnoma hujjat turi bo‘yicha ma’lumot tayyorlash