Р е ж а: Суйиладиган хайвонларни гўшт корхоналарига қабул қилиш

Болға ёрдамида ҳушсизлантириш

Бунинг учун оғирлиги 2,5 кг, дастаси 1 м узунликда бўлган ёғоч болғадан фойдаланилади. Молоток (болға) билан, боғланган молни пешонасини ўртасига (чап қулоқдан ўнг кўзга, ўнг қулоқдан чап кўзга кетган икки чизиқни кесишган жойига) урилади, бу урилиш натижасида миянинг сезги маркази ишдан чиқади, лекин ҳаракат маркази зарарланмайди, шу сабабли юрак қон томир системаси ва мускуллар ҳаракати сақланиб қолади. Молларни бундай ҳушсизлантиришда танани қонсизланиши яхши кечади. Бу усулни камчилиги шундаки пешона суягини зарарланиши билан биргаликда, бош мияга қон қуйилиши ҳам содир бўлади мия озиқ-овқат сифатидаги қийматини пасайтиради.

Ханжар билан қонсизлантириш

Бу усул электр токи билан ҳушсизлантиришнинг имкони бўлмасагина ишлатилади.

Бунда молнинг шохлари арқон билан боғланиб, арқонни учи полга ўрнатилган ҳалқадан ўтказилади, шундан кейин қассоб ханжарни энса суяги билан биринчи бўйин умуртқаси атлантнинг ўртасидан ўтказиб уради ва орқа мияга таъсир қилади, натижада ҳайвон ҳаракатсиз ҳолатга келади, аммо сезгирлиги йўқолмайди. Бу вақтда ҳайвоннинг ҳаракат қилиш ва нафас олиш марказлари “паралич” бўлиб, қон оқизиш яхши бўлмайди. Ҳайвон ҳаракатланмасада оғриқни сезади.


Отувчи аппарат билан ҳушсизлантириш

Бу усул Германияда кейинги пайтларда АҚШда қўлланила бошлади. Бунинг учун махсус тўппончага металл стержен (ўқ) жойланиб пешонанинг мия юзасига отилади, бу ўқ терини ва пешона суягини кесиб ўтиб, мияни қаттиқ қатлам пардасига урилади. Бу вақтда мия шикастланмайди лекин мия қобиғига қуйилган қон мияни озиқ овқат учун ишлатиш қийматини пасайтиради. Бироқ ҳайвонни отувчи аппаратлар билан ҳушсизлантиришда меҳнат унумдорлиги анча паст бўлиб, бу усул қишлоқ хўжалигида кам ишлатилади.

Газ ёрдамида ҳушсизлантириш

Купгина мамлакатларда жумладан Дания Галландия ва бошқа давлатларда чўчқаларни ҳушсизлантириш учун карбонад ангидрид газидан фойдаланилади. Бунинг учун чўчқалар, ҳаво таркибида 60-65% карбонад ангидрид гази бўлган каридордан ўтказилади. Чўчқалар каридордан ўтиш пайти 40-50 секунд карбонад ангидрид аралашган ҳаводан нафас олади ва ҳушсизланиб йиқилади, кейин чўчқалар транспартёр ёрдамида сўйиш, қайта ишлаш цехига ўтказилади. Бу газнинг манбаи, қуруқ муз ҳисобланади. Бу усул бизни мамлакатимизда кенг жорий қилинмаган.