R. D. Dusmuratov buxgalteriya hisobi

Tuzilgan joyiga ko‘ra
hujjatlar ichki va tashqi hujjatlarga 
bo‘linadi. 
Ichki 
hujjatlar
korxonaning 
o‘zida rasmiylashtiriladi va 
qo‘llaniladi ularning ko‘p qismi mazkur korxonada muomalada 
bo‘ladigan hujjatlar hisoblanadi. Bularga hisobdor shaxslarning avans 
hisobotlari, ish vaqtini hisobga olish tabeli, asosiy vositalarni hisobga 
olish inventar kartochkalari, kirim orderlari va boshqalar kiradi. 
Tashqi hujjatlar
korxonadan tashqaridagi boshqa korxona va 
tashkilotlar tomonidan tuziladi. Ular korxonaga kiritilayotganida 
ro‘yxatga olinishi lozim. Bularga schot-fakturalar, to‘lov topshiriq-
nomalari va shunga o‘xshashlar misol bo‘ladi. Ichki va tashqi hujjatlarga 
qo‘yiladigan talablar asosan bir xil. Ammo barcha tashqi hujjatlar 
unifikatsiyalangan shakllardagi blankalarda rasmiylashtirishi lozim. 
Bunday shakllar bo‘lmagan holda ular o‘rniga majburiy rekvizitlarga 
ega bo‘lgan boshqa hujjatlarni taqdim etish mumkin.