Quyish va qadoqlash texnologiyasi

1.4. Nasos stansiyasi
Korxonaning nasos stansiyasi o ‘simlik moylari va yog‘larni 
haydashga m o‘ljallangan. U quvurlar yordamida barcha texnologik 
inshootlar: qabul qilish baklari, to ‘kish-quyish qurilmalari, moy 
va yog‘larni saqlash uchun moy baklari bilan birlashtiriladi.
Nasos stansiyasi xonasining pollari keramik plitkalar bilan qop- 
langan, devorlar esa glazurlangan plitkalar yoki boshqa suv va 
moyga chidamli material bilan qoplangan bo‘lishi kerak. Quvur- 
larning pol va kanallari moy yig‘uvchi tomonga qarab uncha kes- 
kin bo‘lmagan qiyalikda (1:100) bo‘lishi lozim.
Nasos stansiyasining asbob-uskunasi quvur va lo ‘kidon, dvi- 
gatel, nazorat-o‘lchov apparaturasi, ventilatsiya qurilmalari, yori- 
tish asboblari va isitish tizimi nasoslaridan iborat. Moy nasosi xo- 
nasida temiryo‘l sisternalari va moy baklaridagi moy va yog‘larni 
issiq yuvish usuli bilan isitish uchun ishlatiladigan issiqlik alma- 
shuvchi qovurg‘alar (rubashka) o ‘rnatiladi.
O ‘simlik moyi va yog‘larni haydash uchun markazdan qo- 
chirma, porshenli, rotorli nasoslar ishlatiladi. Nasos stansiyalarida 
quvurlar va armaturalar ko‘zdan kechirish va xizmat ko‘rsatish 
uchun qulay joylashtirilgan bo‘lishi lozim. Quvurlar odatda kanal- 
larga yotqizilib, tunukadan ishlangan yechiladigan qopqoq bilan 
yopib qo‘yiladi.
Nasos stansiyasi xonalarida, odatda, sun’iy irmoqli tortib ola- 
digan, yilning sovuq vaqtida havoni isituvchi ventilatsiya o ‘rna- 
tiladi.
Avariya holatlarida moy va yog‘larni to ‘kish-quyish operatsiya- 
lari va haydash ishlarini amalga oshirish uchun nasos stansiyalari
13

---

kamida ikkita qo‘l nasosi va benzin dvigatelida harakatlanuvchi 
nasosga ega bo‘lishi kerak.
Nasos stansiyalari quvurlarining texnologik chizmalari quyida- 
gilarni ta’minlashi lozim:
— o ‘simlik moylari va yog‘larni haydash operatsiyalarini bel- 
gilangan yo‘nalish va unumdorlik bilan o‘tkazish;
— bir vaqtda nasoslarning keragicha ishlatilishi va ularning 
o ‘zaro almashtirilishi;
— nasos stansiyasi ishini to ‘xtatmasdan istalgan nasosni o ‘chi- 
rish imkoniyati (avariya holati yoki ta ’mirlash ishlarida) zadvij- 
kalarni qulay va tez boshqarish;
— o ‘simlik moylari va yog‘larning turi va naviga qarab, quvur 
va nasoslarni moslash.
Nasos stansiyasining yanada tez va bir me’yorda ishlashi uchun 
nasoslar:
— rangi och moylarni to ‘kish va quyish;
— rangi to ‘q moylarni to ‘kish va quyish;
— oziqaviy va texnik salomaslarni to ‘kish va quyish;
— dengiz hayvonlari va baliq moylari uchun alohida nasos 
stansiyasini qurish imkoniyati bo‘lmasa, ularni to ‘kish va quyish 
guruhlariga birlashtirilishi lozim.