Quyish va qadoqlash texnologiyasi

Qadoqlash va rangidagi nuqsonlar.
Emulsiya bir m arom da 
sovitilmasa, margarin yuzasi marmar tusiga ega bo‘lmay, yo‘l-yo‘l 
va xol-xol b o ‘lib qoladi. Bo‘yovchi modda sifatsiz bo‘lsa yoki 
miqdori yetarli bo‘lmasa rangi och bo‘ladi. Tayyor mahsulot rangi 
kulrangga yaqin bo‘lsa, bu yog‘ yaxshi oqlanmaganligidan dalolat 
beradi. Margarin mahsulotini saqlash davrida taraning namlanib 
qolishi margarin emulsiyasining barqarorligi yetarli emasligini 
ko‘rsatadi. Margarinning fizik-kimyoviy k o ‘rsatkichlari uning 
oziqa qiymatini belgilaydi. Amaldagi davlat tarmoq standartlarida 
yog‘ miqdori, namlik va uchuvchan m oddalar miqdori, erish 
harorati, kislotaliligi qat’iy chegaralanib qo‘yiladi.
Margarindagi yog‘ miqdori uning energetik qiymati, mahsu- 
lotning to ‘yimliligini belgilaydi va qaysi maqsadda ishlatilishiga 
qarab o ‘zgaradi.
Margarindagi suv miqdori sut tarkibidagi shakar va tuz eritma- 
lari bilan kiritilgan suvning umumiy miqdori bilan birga hisobga 
olinadi.
Davlat standarti bo‘yicha mahsulotning ko‘pchilik turida nam ­
lik miqdori 17% atrofida, past kaloriyali uchun 24% dan ko‘p bo‘l- 
masligi kerak.
Margarindan ajratib olingan yog‘ning erish harorati 27°C dan 
32°C gacha, m argarinning kislotaliligi 2 dan 2,5 K ettstorfer 
graduslarida bo‘lishi lozim.
Margarin zavodlaridagi sanitar-gigiyenik sharoit. 
Saqlashga 
chidamli va sifatli margarin mahsulotlari ishlab chiqarish zavod- 
dagi sanitar-gigiyenik tartib-qoidalariga rioya qilinishiga bog‘liq.
Binoning sanitar holati.
Ishlab chiqarish binolari ko‘p tabiiy 
yorug‘likka ega bo‘lishi kerak; binoni yetarli shamollatish uchun
51

---

oynalar framuga bilan ta ’minlanishi, yoz faslida asosiy mikrob 
tashuvchilar — pashshalardan himoya qilish uchun to ‘r bilan 
to ‘silishi kerak. Sut bo‘limiga tozalik bo‘yicha jiddiy talablar qo‘- 
yiladi, u boshqa bo‘limlardan ajratilgan bo‘lishi kerak va begonalar 
kirishiga yo‘l qo‘yilmaydi.
Devorlar kamida 2 metr balandlikkacha kafel bilan qoplanadi 
yoki moyli bo‘yoq bilan bo‘yaladi va haftada kamida bir marta 
yuviladi. Hamma binolarning pollari suv o ‘tkazmaydigan metlax 
plitalar bilan qoplangan va kanalizatsiya suvi chiqib ketadigan to- 
monga qiya qilib yasaladi va bir kunda bir necha marta yuviladi. 
Devor va shipda mog‘orlar paydo bo‘lganda oqlashdan oldin max­
sus antiseptik moddalar bilan ishlov beriladi. Ishlab chiqarish 
binolari, eshiklari va tutqichlari har kuni issiq sovunli suvda yuvi- 
ladi. Ishlab chiqarish va maishiy binolar orasida to ‘g‘ridan to ‘g‘ri 
aloqa bo‘lmasligi, kirish-chiqish eshiklari alohida bo‘lishi kerak.
Sovitgich-omborxonalarda mahsulotning buzilishiga olib ke- 
luvchi asosiy sabab mikrofloralarning faoliyatidir, shu sababli bu 
yerda yuqori sanitar-gigiyenik shart-sharoitlarni ta’minlash uchun 
maxsus choralar ko‘rilishi lozim. Omborlar mahsulotdan bo‘shati- 
lib davriy ravishda dezinfeksiyalab turiladi.