Quyidagi holatlarda majburiyatlarni real bajarish va lozim darajada bajarish prinsiplariga rioya etilganmi

1-kazus Quyidagi holatlarda majburiyatlarni real bajarish va lozim darajada bajarish prinsiplariga rioya etilganmi: a) Traktor zavodi fermer xo‘jaligiga 2018 yilning I kvartalida 6 ta traktor yetkazib berish majburiyatini olgan edi. Amalda traktorlar 16 aprel kun yetkazib berildi; b) Komilov Parpiyevdan vaqtincha foydalanish uchun musiqali markaz oldi va uni 7 avgust kuni qaytarib berish kerak edi. 8 avgust kuni Komilov musiqali markazni Parpiyevning ishxonasiga olib keldi va u ish joyida bo‘lmaganligi sababli Botirovdan musiqali markazni Parpiyevga berib qo‘yishni so‘radi; v) Qayumov Lazizov bilan qarz shartnomasini tuzdi, unga ko‘ra Lazizov pulni 24 martda qaytarib berish kerak edi. Lazizov pulning yarmini va shunga teng miqdordagi aksiyani pochta orqali jo‘natdi. Qayumov pulni 30 mart kuni oldi; g) Marufov Soliyev bilan uning materialidan kostyum tikib berishni kelishdi. Belgilangan muddatda Marufov nafaqat kustyumni tikishga kirishmadi, balki do‘kondan shunga o‘xshash kostyumni sotib oldi va uni Soliyevga moslashtirdi va shartnomada belgilangan haqni to‘lashni undan talab qildi. Soliyev esa kostyumni qabul qilishni rad etdi va pulni to‘lashdan bosh tortdi; d) Valiyev Daminovga mebel sotdi. Bunda taraflar Valiyev mebelni temir yo‘l transporti orqali Daminovga yetkazib berishini kelishib oldilar. Temir yo‘l transportining aybi bilan mebel shikastlandi va shu yo‘sinda sotib oluvchiga topshirildi; e) Super market va fermer xo‘jaligi o‘rtasidagi shartnomaga ko‘ra fermer xo‘jaligi 10 tonna olmani III kvartalda yetkazib berishi kerak edi. 28 sentyabr kuni olmalar sotib oluvchining manziliga yetib keldi. Olmalarni qabul qilib olishda aniqlanishicha, ularning 2 tonnasi aynigan bo‘lib chiqdi, chunki yuklash payti ular pishib bo‘lgan edi va tashuvchi uni yetkazib berish muddati o‘tkazib yuborgan edi. Fermer xo‘jaligi majburiyatni lozim darajada bajarganligini bildirdi.