Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

Olingan moddalarning element tahlili
Polivinilxlorid asosida olingan kuchsiz asos xossali anionitning tarkibidagi azot elementlarini aniqlash uchun EuroEA Elemental Analyser apparatida element tahlili o‘tkazildi. Olingan anionitning tarkibidan kimyoviy bog‘lanmagan dietanolamin hamda boshqa qo‘shimcha moddalarni chiqarish uchun distillangan suv bilan neytral holatgacha yuviladi. Olingan natijalar quyidagi 2.1.2 - jadvalda keltirilgan.

2.1.2- jadval

Namuna C % O % Cl% H% N % PVX 70,1 7,6 21,1 1,2 0,00 PVX- DEA 66,8 26,7 1,4 0,3 5,1

2.1. 2.jadval. Dastlabki va modifikatsiyalangan namunalarni element tahlili

Quyida keltirilgan 2.1.2 – jadvalda polivinilxlorid plastikati va modifikatsiyalangan polimer tarkibida 5,1 % massa ulushgacha azot kiritilgan, unga mos ravishda kislorod hamda uglerod kirganligini kuzatildi, ekstraksiya jarayonida dibutil hamda dioktilftalatlar chiqarib olinishi natijasida C va H, modifikatsiyalanish jarayonida xlor o‘rniga azot almashganligi hisobiga xlor miqdori (%) kamayganligi element tahlili yordamida aniqlandi.
O‘tkazilgan element tahlillari shuni ko‘rsatadiki PVX asosidagi tarkibida amino guruh tutgan anionit (PVX-N(CH₂CH₂OH)₂ PVX-A-N-1) hosil bo‘lganligidan dalolat beradi.
Polimer materiallarning skanerlovchi elektron mikroskopik tahlili
Ko‘plab ion almashinish xususiyatiga ega bo’lgan polimer materiyallarning morfologik va sirt tuzilishini aniqlashda SEM usulidan keng foydalaniladi [109, 204–208 b.]. CHunki sorbentlarning morfologik tuzilishi ularning fizik-kimyoviy xossalariga keng ta’sir ko‘rsatadi. SHuning uchun PVX va uning modifikatsiyalangan shakllarini morfologik va sirt tuzilishi o‘rganildi. Bunda dastlabki plastikat PVX, ekstraksiyalangan PVX, hamda PVX asosida olingan PVX-A-N-1 ning mikrofotografiyalari solishtirilgan natijalari quyidagi 2.1.3 – rasmlarda keltirilgan.

2.1.3-Rasm