Qurilish materiallari, buyumlari va konstruktsiyalari ishlab chiqarish

2.15-rasm. Kamera qopqog‘ini germetik (jips) yopuvchi gidravlik moslama

1. 
   -kamera devori; 2-16-30-raqamli shveller; 3-kamera qopqog‘i; 4-kontur bo‘yicha ikki qavatli qovurg‘a
   

1.16-rasm. L.A.Semyonovning bosimsiz bo‘g‘lash kamerasi

1. 
   - magistral bug‘ yo‘li;2- bevosita ta’sir regulyatori;3- octki perfoquvur;4- ustki perfoquvur; 5-kondensatordagi bug‘ osti zonasi;6-qaytarli quvuri;7-gidravlik klapan; 8-nazorat kondensatori;9-sovuq suv; 10-nazorat kondensatoridan keladigan issiq suv; 11-qalin mis quvur
   

Qiyshaymasligi va bug‘ chiqmasligi uchun kameraning qopqog‘i o‘ziga xos konstruksiyaga va mustahkamlikka ega bo‘ladi. Bug‘ o‘tkazuvchanlikni kamaytirish uchun qopqoqning ostki tomoniga 1,5-2 mm li po‘lat tunuka qoplanadi. Kamera devori bilan qopqoq o‘rtasidagi tirqishdan bug‘ chiqmasligi uchun gidravlik yoki qumli yopqich ishlatiladi (2.15-rasm). Bug‘ kameraga kamera poliga aylantirib yotqizilgan quvurdan keladi. Ko‘tarilayotgan bug‘ havo bilan qo‘shilib bug‘li havoli aralashmani hosil qiladi. Havoning konsentratsiyasiga qarab bug‘li havoli aralashmaning harorati ham o‘zgaradi. Misol uchun, havoning miqdori 50% bo‘lganda harorat tahminan 80 °S bo‘ladi.

Kameralarning yana bir turi L.A. Semyonovning bosimsiz kamerasi hisoblanadi (2.16-rasm). Odatdagi kameradan farqli ravishda bunday kameraga bug‘ uning osti va ustiga joylashgan perfoquvurdan keladi. Qaytish quvuridan kelayotgan bug‘, utillashtirish uchun, kondensatordan o‘tadi. Haroratni 90-95°S ga ko‘tarish davrida ostki perfoquvurdan bug‘ jo‘natiladi. Haroratni yana ko‘tarish uchun ustki perfoquvur yordamida amalga oshiriladi. Bunday kamerada bug‘langandan so‘ng betonning mustahkamligi keskin oshadi, biroq bug‘ sarfi yuqori bo‘ladi.
Muhandis A.A. Voznesenkiy taklif etgan chuqur kamera PDK-KISIda bug‘ intensiv aylanadi va bir vaqtning o‘zida buyum yuzasi yuvib turiladi. Kameraga bug‘ katta o‘lchamli tirqishlardan (15-25 mm) beriladi. Bug‘ qo‘zg‘olmasdan turgan issiq muhitni harakatga keltiradi va uning koeffitsientini ko‘p marta (4-6 m va undan yuqori) oshiradi. Natijada issiq almashinishi yuqori bo‘ladi va isitish bir tekis bo‘lishiga erishiladi.