Qurilish fakulteti

5. Havfsizlik va barqarorlikka tahdid va havf-xatarlarga qarshi kurashish. Mintaqada “yashil” iqtisodiyotni rivojlantirishni rag’batlantirish va ekologiya masalalari.
Terrorizm, ekstremizm, transmilliy, xususan, kibermakondagi jinoyatchilikka qarshi faqat birgalikda samarali kurash olib borish mumkin.

Bu borada dastlabki qadam sifatida BMTning Giyohvandlik va jinoyatchilik bo’yicha boshqarmasi ishtirokida Giyohvandlikka qarshi qo’shma harakatlar rejasini ishlab chiqish zarur.Kuchlarni birlashtirish zarur bo’lgan asosiy yo’nalishlardan yana biri – terrorizm havfiga qarshi kurashdir.

Markaziy va Janubiy Osiyoning barcha mamlakatlarida jadal sanoat va demografik o’sish jarayoni global iqlim o’zgarishlari sharoitida yuz bermoqda.Bunday vaziyatda suv resurslari taqchilligi, atrof-muhit va atmosferaning ifloslanishi, tuproq qatlamining yemirilishi va cho’llanish barchamizga daxldor muammolar hisoblanadi.

Tobora umumbashariy tus olib borayotgan Orol dengizining qurishi bilan bog’liq vaziyat ekologik tahdidlarning o’ta salbiy ta’siriga yaqqol misol bo’la oladi. Bu fojianing oqibatlarini yumshatish, kelgusida insoniyatni bunday ofatlardan ogoh etish uchun barcha choralarni ko’rish kerak. Bu borada tabiat bilan uyg’un bo’lishga intilib yashagan ajdodlarimizning tajribasiga tayanish zarur.

Raqamli rejimga o’tish uchun ochiqlik va jamoatchilikning ishtiroki prinsipial jihatdan muhimdir va raqamli sanoatning ekotizimlarini shakllantirish raqamli iqtisodiyotning asosiy yechimiga aylanmoqda. Raqamli sanoatning ekotizimi – bu raqamli xizmatlarning innovasion rivojlanishi va tarqalishi uchun shart-sharoitlarni ta’minlaydigan muhit, raqamli mahsulotlar, dasturlar va qurilmalardan iborat.

Ekotizimni yaratish nafaqat tashkiliy, balki texnologik jarayondir. Chunki aynan raqamli texnologiyalar ekotizim ishtirokchilari o’rtasidagi o’zaro munosabatlarni avtomatlashtirishga, biznesni global miqyosda kengaytirishga imkon beradi. Gartner, Inc. (NYSE: IT) – yetakchi global tadqiqot va konsalting kompaniyasi – har qanday biznesni aktivlari, jarayonlari va funksional bo’linmalari yopiq tizim sifatida emas, balki tashkilotdan tashqarida ham ochiq chegaralari bo’lgan platformalar to’plami sifatida ko’rib chiqishga chaqiradi. Hozirgi rivojlanayotgan texnologik yo’nalishlar beshligida "ekotizim kuchi" ikkinchi o’rinni egallaydi.

Ekotizimdagi munosabatlar va aloqalar kompleksi nafaqat biznesning muvaffaqiyatiga, balki inson atrof-muhiti holatiga, insonning ushbu muhitni kelajak avlodlar uchun saqlab qolish qobiliyatiga ham ta’sir qiladi. Ushbu ta’sir kompleksi biznes ekotizimining institusional xususiyatini o’z ichiga oladi. Shu sababli, tashkiliy hodisa – biznes ekotizimi – ijtimoiy-iqtisodiy jihatdan maqsadga muvofiqligi, texnologik xavfsizligi va kasbiy layoqat nuqtai nazaridan ko’rib chiqiladi.