Quran pak mein allah ta’ala ka irshad hei



Download 16.05 Kb.
Sana08.09.2017
Hajmi16.05 Kb.
QURAN Pak mein ALLAH TA’ALA ka irshad hei:

  Ae HABIB(Salla lahu Alaihe Wassallam) ! Logoon Se Farma Dijye ke Agar Tum ALLAH ko Mehboob Rakhte Ho To MERI itteb’a Karo ,ALLAH Tum Se Muhabbat  Kare Ga..aur Tumhare Gunah Bakhsh De Ga, Beshak ALLAH GHAFOOR aur RAHEEM hei.”



(Al-IMRAN:31)
ALLAH TA’ALA apni Muhabbat hasil karne Ka Rasta logoon ko bata raha hei Ke  MERA Mehboob Banna hei aur Agar Tumhen MUJH se Muhabbat Ka Dawa hei To  MERE HABEEB(Salla lahuAlihe Wassallam) ki Itteb’a aur Ata’at Karo. ALLAH ki Ata’at Lazim hai Lekin Itteb’a Namumkin, Jabk HUZOOR NABI PAK(Salla lahu Alaihe Wassallam) ki Itteb’a aur Ata’at donoon lazim hein.  Isliye ALLAH ne APNAY HABIB ki Itteb’a ka Hukm diya hai.                                                                                                   Matlab kehne ka yeh hai k:

Jab Tak NABI Pak(Sallal lahu Alaihe Wassallam)  Se Har Cheez se Bar Kar Muhabbat Nahi Karo Ge,  Tumhara EMAAN mokammal nahi Ho ga.

 

Jab Tak REHMAT UL-LILA’ALMEEN( Salla lahu Alaihe Wassallam) Ki  Nisbat Ko Nahi Pehchano Ge,  RAHMAAN ki  Rehmat Ka Shaoor hasil Nahi Kar sakte



 

Jab Tak  Zaat-e- MUHAMMAD(Sallal lahu Alaihe Wassallam) ki Rifa’t aur Azmat ka ilm hasil nahi Karo ge, ALLAH ki Qudrat ko nahi jan sakte, Os ke  Irfan ko nahi pa sakte.

Jab Tak Ommattiy-e-RASOOL( Sallal lahuAlaihe Wassallam) Jesi Anmol Ne’imat ka Shukr ada Nahi Karo ge, , ALLAH TA’ALA ke Ehsanat aur Ne’imatoon ki ,Jo is Nisbat ke Sadqay se mili hein, qadar o  Manzilat se mehroom Raho ge.

Jab Tak NABI Kareem(Salla lahu Alaihe Wassallam) Ki  Ata’at  Nahi karo Ge,  ALLAH ke  Farmanbardar  Nahi  Ban Sakte.

Jab Tak MUHammad  Mustafa ( salla lahu Alaihe Wassallam) Se  Wafa Nahi Karo ge,  RABB E KAREEM ke  Mehboob Nahi Ban Sakte.

Ta’zeem e  NABI aur Ahteram e NABI( Sallal lahu Alihe Wassallam) mein Sartapa  ADAB ban jao. Agar Zara Si bi Gustakhi Ki to Tumhari Sari Ebadat aur Amal  ALLAH ki Bargah mein Zaya hon ge.

Jab Tak HABEEB E KHUDA(Salal lahu Alaihe Wassallam) ko Razi nahi Karo ge, KHUDA ko  RAZI nahi kar sakte.
Apnay Dil mein  ALLAH ki  Muhabbat ke  Charagh  ko  ISHQ E RASOOL(Salla lahu Aliahe Wassallam) Se  Aag Lagao, Tabhi Tumhara  Zahir aur Batin MUNAWWAR ho ga.

Tumhari  ROOH par Bala-e-A’ala ke Anwar ki Barish  Tabhi Ho gi Jab  DAR-e- MUSTAFA(Sallal lahu Alaihe Wassallam) se Rohani Faiz lo ge.

ALLAH TA’ALA tak  Rasa’iy ,Sirf  NABI PAK(Salla lahu Alaihe Wassallam) k Waseele se Mumkin hai aur NABI PAK(Salla lahu Alaihe Wassallam) tak Rasa’iy  Murshid e  Kamleen ke Zarye se hoti hai.

HUZOOR PAK(Salla lahu Alaihe Wassallam) ke AHL e BAITt, SAHABA KARAM, TABA’EEN, AA’IMA  ARB’A,FUQHA aur OLIA ALLAH, in Sab se Muhabbat aur Aqeedat EMAAN ka lazmi hissa hai. In ke Naqsh e Qadam par chal kar hi HUZOOR PAK(Salla lahu Alaihe Wassallam) ki Itteb’a aur Ata’at ho sakti hai.

ALLAH TA”ALA ne Bandoon ki HADAYAT aur RAHNUMAI ke bohat se Waseeley peda kiya hein, zaroorat un ko Tasleem karne aur Apnaney ki hai.

Ma’eh Khanay Bohat ziada hein, Pilaney Waley bhi Bohat hein, Zaroorat sirf JAAM ki hai.

Raasta Buhat Wazeh aur Aasan hai, Zaroorat sirf Qadam othanay ki hai.  ALLAH ke Nek aur Moqarrab Bandoon se Talluq mazboot karo,in ki Rahnumai mein Quran o Sunnat ke Motabiq amal karne mein hi  ALLAH aur RASOOL(Salla lahu Alaihe Wassallam) ki  ATA’AT hai. Yehi  “SIRAT e MUSTAQEEM” hai.

ALLAH TA’ALA ne apne Bandoon ko Pehli DUA yehi sikhai hai:

“AE ALLAH !  Hamen  Seedha  Raasta Dikha, Un Logoon ka  Raasta Jin Par TOO ne  APNA IN’AM Kiya.”

                                                                                                       (Al-FATIHA:05)

 

Ae  Bande ! Oth ,Sanwar Ja. Sari Zindagi  RABB se Door reh kar Ghaflat mein Guzar Di.Duniya ki Lazzatoon aur Nafs ki Khawaishoon mein apna Bara Nuqsan kar liya. Apnay Rabb aur Os ke HABEEB(Salla lahu Alaihe Wassallam) ko mana le. Touba Ka Darwaza ab bhi khula hei,.  Rehmat ka Darya ab bhi Jari Hai  Muhlat Tere pass ab bhi hai. Jo Baqi Zindagi Rah Gai hai Os ko ALLAH ke  Moqarrabeen se Wabasta Ho Kar HABEEB E KHUDA(Salla lahu Aalihe Wassallam) ki Sachi Ghulami mein guzar de.

Ae Bande !  Agar Too Ne  AAQA(Alaih Salat u Wassalam) ke Ishq o Adab aur Wafadari Se RABB TA’ALA ko Razi kar liya ,to Pata hai ! RABB Tujhay kia At’a Kare Ga ? :

 

KI   MUHAMMAD(SallaL lahuAlaihe Wassallam)  SE  WAFA  TOO



NE,TO  HUM  TERE  HEIN,

YEH  JAHAN CHEEZ HAI  KIA, LOH O QALAM  TERE  HEIN…

 

Jo HABEEB  E  KHUDA MUHAMMAD MUSTAFA ka  ho gia, KHUDA  Os ka  Ho Gia.



 

                                               

                   Ya Rabb!  Mujay  Dolat-e-Bekali  Milay

                  Mujay  Izteraab  Ki  Lehar  Milay,



                  Yoon  Doboob  ISHQ-E-NABI  Mein,

               k Mujay Apni Bhi Na Khabar Milay.

Do'stlaringiz bilan baham:


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa